MikeLigalig.com

published by Brigada News

KRITIKAL sa balay-tambalanan ang usa ka habal-habal driver human kini gibunalan og dos por dos nga kahoy sa ulo ug liog samtang nagpahuway sa ilang turnohan sa Don Marcelino, Davao del Sur alas 4:00 niadtong milabay’ng hapon.

Giila sa kapulisan ang biktima nga si Freddie Marino, 29 anyos, minyo nga taga Purok Maligaya, Don Marcelino.
Segun sa imbestigasyon, igo lamang naghigda ang biktima sa iyang motorsiklo dihang kalit miabot ang usa pa ka habal-habal driver ug kalit kining gidabo-dabohan og bunal igo sa nawong, ulo ug liog.

Ang suspetsado ang paspas nga misibat sakay sa iyang motorsiklo.
Gibutyag usab sa mga kaubanan niini nga dugay na nga adunay personal nga bangi ang biktima ug ang suspek ug didto lamang sila nagkita ug nakahigayon ang suspetsado.

Ang kaso anaa na sa Investigation Section sa kapulisan alang sa dugang imbestigasyon.(Angel De Vera)

Kining kumpyansa lagi. Maayo gani kay way gipataop nga lansang ang dos por dos...

natagbaw kaha siya sa iyang kasuko?..huwat dinha kay seguro mabaslan gyud to siya

Malagmit ang kasuro napulihan na ron og kahadlok...