MikeLigalig.com

Nahibaw-an nga si Archival usa sa mga abogado sa kaso nga robbery nga gihusay kagahapon didto sa sala ni Judge Oliver Repollo sa Regional Trial Court (RTC) Branch 38. Ang mga huwes ug kaubanang abogado ni Archival dinhi sa Sugbo nakurat kaayo pagkasayod nga gi-ambush ang manghod ni Cebu City Councilor Nestor Archival.

Matud ni Konsehal Archival nga si Atty. Archival nakakontak pa sa iyang office secretary mga ala una sa hapon ug mipahibalo nga nagpaingon na sila balik sa dakbayan sa Sugbo. Ang samaron nga si Paulo Cortez mitug-an ngadto sa mga polis nga pag-abot nila sa hilit nga dapit sa Barangay Corro adunay pula nga Hilux nga miampad kanila ug nakabantay usab sila og laing sakyanan nga nagsunod.

Kalit lang mibukas ang bildo sa bentana sa pula nga Hilux ug kalit migimaw ang sumbohan sa armas ug gipangrapido sila sa mga bala sa makadaghan nga higayon. Si Atty. Archival nakaangkon og daghang pinusilan ug gani nabuslot-buslot ang iyang nawong ug agtang. Gituohan nga ang abogado nagkalingaw og basa-basa og mantalaan dihang sila gi-ambush. Didto si Archival maglingkod sa luyo nga lingkoranan. Matud sa kapolisan nga si Archival ug Miñoza maoy namatay “on the spot” sulod sa ilang gisakyan samtang si Jayme ug Cortez gidala sa Vicente Sotto Memorial Medical Center (VSMMC) apan si Jayme namatay ‘sab. Ang mga crime scene investigators mibutyag nga ang sakyanan nga gisakyan sa mga biktima nabulit og 31 ka pinusilan. Ang mga polis sa Dalaguete nakapunit og daghang kabhang sa M16 Armalite rifle nga nagkatag sa dapit nga nahitaboan.

Linkback: https://tubagbohol.mikeligalig.com/index.php?topic=77615.0

Archival, 2 ka kauban patay sa ambush
SuperBalita Cebu
Ni Astra Zina D. Logarta , Astra Zina D. Logarta , Guam P. Logroño ug Sheila C. Gravinez
Tuesday, February 18, 2014


NATUSAKTUSAK sa mga bala ang lawas sa usa ka inila nga abogado apil na ang iyang duha ka mga kauban dihang gibanhigan sa armadong mga tawo ang ilang gisakyan nga Ford Escape (YGE 240), kolor itom, sa pag-abot sa mingaw nga dapit sa Barangay Coro, lungsod sa Dalaguete, Sugbo ala 1:45 kagahapon sa hapon.

Patay dihadiha si Atty. Noel Archival, 52, minyo, nagpuyo sa Barangay Talamban, siyudad sa Sugbo ug naghupot og mga high-profile case sama sa robbery ug drugas sa Sugbo ug kasikbit nga mga lugar.

Linkback: https://tubagbohol.mikeligalig.com/index.php?topic=77615.0

Base sa pag-ihap, niabot og 31 ka mga lungag agi sa mga bala sa M16 rifle ang nahiagoman sa gisakyan nga sports utility vehicle sa mga biktima.

Mga tinugyanan sa Scene of the Crime Ope­ratives nga nisusi sa crime scene, nakahipos og pasiunang pito ka empty shells sa M16 rifle ug duha ka slug.

Nakuha usab ang usa ka 9mm nga dunay 11 ka mga bala ilawom sa driver’s seat nga ang lisensiya nakapangan ni Noel; sobra sa P40,000 nga kwarta, mga importanteng dokumento, cellphone ug ubang mga butang sa mga biktima.

Usa ka testigo ang na­kakita sa hitabo ug sa mga gisakyan sa mga mamumuno.

Linkback: https://tubagbohol.mikeligalig.com/index.php?topic=77615.0

Si Cebu City Councilor Nestor Archival, kamaguwangan nga igsuon ni Noel, niingon nga wa siyay nahibaw-an nga dunay kontra ang iyang manghod.

Si Talamban Barangay Councilor Nelson Archival, laing igsuon ni Noel, kinsa maoy niadto sa crime scene, nitug-an nga nakatawag pa si Cortes niya ug nipahibawo, “patay...patay na...si attorney...giambushan mi.”

Si Nestor niasoy nga suod silang upat ka magsuon nga pulos mga lalake ug siya na ang nibarog nga amahan ug inahan human mamatay ang ilang mga ginikanan.

“Being their father, ako may kinamaguwangan, nasakitan kaayo ko. Akoy nag-atiman nila,” sugilon niini sa sibya­anang dyLA.

Linkback: https://tubagbohol.mikeligalig.com/index.php?topic=77615.0

Binuanga gud diay...

Linkback: https://tubagbohol.mikeligalig.com/index.php?topic=77615.0

Hmm, morag katuhoan pud kini nga anggulo...

Linkback: https://tubagbohol.mikeligalig.com/index.php?topic=77615.0

Makapanglimbawot bitaw ni. Naa ra ba koy daghang amigo nga abogado...

Linkback: https://tubagbohol.mikeligalig.com/index.php?topic=77615.0