MikeLigalig.com

SuperBalita Cebu
Ni Joy F. Tumulak
Tuesday, March 25, 2014


MINYO gipasanginlan nga nakauyab sa asawa sa iyang silingan gipatay sa duha ka mga tawo nga nagmotorsiklo kagahapon sa mga alas 2 sa kaadlawon sa Forbes Bridge sa dalan Tupas, Brgy. Pasil, dakbayan sa Sugbo.

Ang gidudahang mastermind nadakpan sa kapulisan human sa krimen ug nakuha gikan kaniya ang usa ka cell phone diin nakit-an sa kapulisan ang text messages sa mga gunman.

Ang naghatag og kasulbaran sa krimen mao si Aileen, asawa sa biktima nga giilang mao si Felipe Pancho, 34, taga sityo Lawis, Brgy. Mambaling ning dakbayan.

Matod sa kapulisan sa Homicide Section sa Cebu City Police Office (CCPO) nga si Aileen nitug-an kanila nga ang iyang bana gikaaway sa ilang silingan nga si Emmanuel Orongan, 30.

Giingong nasuko si Orongan sa iyang bana tungod sa mga tabi nga ang asawa niini gikabit sa iyang bana.

Linkback: https://tubagbohol.mikeligalig.com/index.php?topic=78009.0

Mihimo og hot pursuit operation ang kapulisan sa San Nicolas pinangulohan ni SPO4 San Rico Joli-Joli ug mga kauban sa balay ni Orongan diin siya naabtan sa kapulisan.

Atol sa imbestigasyon, kusganon nga gipanghimakak ni Orongan nga aduna siyay partisipasyon sa krimen.

Apan nabawi sa kapolisan ang iyang cell phone diin didto ang pagbayloay og mga text messages sa mga killer ug kang Orongan.

Unod sa usa sa mga text message mao nga nangutana ang suspek kabahin sa maong hitabo. Ang gunman niseguro kaniya nga patay na ang biktima.

Ang kapulisan niila sa mga gunman sa ngalan lang nga Jimboy ug James, kinsa wa pa madakpi.

Samtang si Orongan gibalhog na sa bilanggoan alang sa kasong murder nga ipasaka batok kaniya.

Linkback: https://tubagbohol.mikeligalig.com/index.php?topic=78009.0

hahay.  dinhi lang sa tbland, ubay-ubay na ang estorya akong nabasa kabahin aning triangle-triangle.  moral lesson: likay ug triangle.  himoang square o oblong ba kaha aron ang mga participants malibog kun kinsay sad-an.

Linkback: https://tubagbohol.mikeligalig.com/index.php?topic=78009.0