MikeLigalig.com

Ni Rey B. Pasaporte/EIM (Banat) Updated January 21, 2012 12:00 AM


CEBU, Philippines - Gumikan sa nangalisbong baho sa palibot nadiskobrehan sa mga residente ang patay’ng lawas sa usa ka lalaking na-missing sulod na sa tulo na ka adlaw diha sa sitio Milagrosa Sambag sa barangay San Vicente sa lungsod sa Liloan.

Si Mark Anthony Vasquez, 33, residente sa dapit, napalgan niadtong Huwebes sa alas-3:25 sa hapon nga wala nay kinabuhi nga gituohang gituyo paghagbong sa ubos sa pangpang nga gibana-banang may giladmon nga 100 metros.

Si SPO4 Alex Pepito sa Liloan Police Station miingon nga dihang ilang giadto ang lugar nagsugod na og kadugta ang biktima.

Matud ni Pepito nga pipila lang ka metros gikan sa gilabayan sa patay’ng lawas sa biktima dunay gamay nga kapilya nga Medalla Milagrosa diin duna silay nakitang banaw sa dugo ug lighter nga gipanag-iya sa biktima. Gidugang niya nga na-trace ang biktima tungod sa baho sa patay nga nangalisbo ug maoy pirmeng natimahoan sa mga residente sa dapit.

Matud ni Pepito nga wala sila’y nakitang samad dinunggaban sa kalawasan sa biktima apan nagtuo silang gitabangan kini og kulata kay nahiwi na ang nawong niini nga posibleng gikan sa pagdakdak og dakong bato.

Katapusang nakit-an ang biktima niadto lang Enero 16 sa alas-9 sa gabii.   - (BANAT NEWS)

Quote from: hubag bohol on January 21, 2012, 01:52:43 PM
Matud ni Pepito nga wala sila’y nakitang samad dinunggaban sa kalawasan sa biktima apan nagtuo silang gitabangan kini og kulata kay nahiwi na ang nawong niini nga posibleng gikan sa pagdakdak og dakong bato.

Bisan way tatsa ang biktima, kon gitambog sa bung-aw nga 100 metros ang giladmon, daginoton ang tsansa nga mabuhi pa...

kalooy sa biktima, nakatulog ba kaha ang nagbuhat ani..

Paet. Basin kinahanglan siging inom...