Ni Guam P. Logroño
Friday, July 20, 2012
GIATAKE sa mga batang engkanto ang 15 ka mga tinun-ang mga babaye kagahapon sa alas 10:32 sa buntag sa
usa ka tunghaan sa Barangay Buanoy, lungsod sa Balamban.
Ang giingong mga batang engkanto ning-atake sa 15 ka mga tinun-an nga pulos mga babaye sa 2nd ug 3rd year
ug 4th year dihang usa ka “inahan sa engkangko†namatay kay naigo sa bato tungod sa pagpanguha
og bunga sa santol sa mga estudyante
Si PO1 Alfredo De Gracia, sa Balamban Police alert team nga nahinabi sa Sun.Star Superbalita, nagkanayon
nga ang principal nga si Michael Borgonia daling nisuspenso sa klase sa tunghaan tungod sa insidente nga
nakapaukay sa tibuok lungsod sa Balamban.
Ang tinun-an nga si Ria (di tinuod niyang ngan), 15, 3rd year nga tinun-an, taga Laray 3, Buanoy, Balamban,
nitug-an sa kapulisan nga nasuko ang mga engkanto ngadto nilang mga tinun-an.
Matod niya nga usa ka bata nga anak sa engkanto nipahibawo kaniya nga manimalos sila sa kamatayon sa
ilang inahan tungod kay namatay human maigo sa bato.
“Gipahibawo siya sa mga batang engkanto. Daghan daw kaayo nga mobawos gyud sila kay namatay ang inahan
niini human dunay mga estudyante nanglabay og bato sa pagpanguhag bunga sa santol,†dugang ni De Gracia.
Wa magdugay, kalit nga nangalumoy ang mga babayeng tinun-an hangtod nga nagkadaghan ang giingong
nangasudlan sa dautang espirtu, ang uban niini pwerting pagkakusgana.
Hinuon ang mga bata nga nahuwasan kagahapon human giampuan sa mga pastor, catechist, mga magtutudlo
ug pulis dihang gidala sa simbahan sa Saint Francis de Assisi sa Barangay Buanoy.
Sagad nga gipangsulti sa mga tinun-an nga nasudlan sa espiretu naghangyo sa ilang mga inahan ug maestro
nga “luwason ang daghang mga bata†nga naa sa kakahuyan.
Gawas niini, gusto sab nilang ipakuha ang daghang mga bata nga naa sulod sa pansayan sa tunghaan.
Gusto sa mga espiritu nga nisulod sa lawas sa mga bata nga balikon sa mga ginikanan ang mga bata nga
toa sa kakahuyan sulod sa tunghaan.
Apan ang usa ka tinun-an nga si Lea (di tinuod niyang ngan), 14, taga Sitio Kamanggahan, Barangay Buanoy,
ang labing kusgan ug hangtod sa alas 2:30 kagahapon sa hapon wa pa mauli.
Tungod niini, si Borgonia nidesisyon nga ipadala sa Balamban District Hospital ang bata tungod sa pagkaluya niini,
apan gipabalhin sa tambalanan dinhi sa dakbayan sa Sugbo.
Sumala pa ni PO1 De Gracia, nga bisan kun gamay nga pagkabata si Lea, pwerting kusgana niini diin lima
ngadto sa unom ka mga tawo ang nagtabang sa pagkupot niini.
Ang pastor nga nagsigig ampo sa pagpagawas sa dautang espireto niini gibalikas ug gisultihan nga
“mahurot na lang ang imong laway dili ka pahawa nako.â€
Gipatik sa mantalaang SuperBalita Cebu Hulyo 21, 2012.
Linkback:
https://tubagbohol.mikeligalig.com/index.php?topic=52851.0
Topic: `Gisudlan og engkanto’ (Read 776 times)