Ni Lesley Caminade-Vestil (Banat) Updated April 03, 2011 12:00 AM
CEBU, Philippines - Usa ang patay samtang usa ang naangol human girakrakan samtang nag-inom kagahapon sa kaadlawon diha sa barangay 6 lungsod sa Tuburan. Ang namatay nailhan nga si Amay Bayo samtang samaran usab niini ang ig-agaw nga si Carling Bayo Sequita, 30. Samtang giila ang mga suspek mao sila si Raul Jingova ug Oscar Ybañez Jr. kinsa padayon pang gipangita sa kapolisan.
Sa imbestigasyon sa kapolisan sa Tuburan nag-inom ang mga biktima uban sa mga suspek diha sa balay ni Rodulfo Bayo nga igsuon sa namatay. Wala pa matino ang motibo sa krimen.
Apan human mopauli ang mga suspek kalit silang namalik ug walay daghang pasumangil gipaulanan og bala ang biktimang si Amay niadtong tungura migawas aron pagtubag sa sugo sa lawas.
Si Amay naigo sa walang dughan samtang si Sequita naigo sa likod. Si Amay napalgan 300 metros gikan sa crime scene nga naglunang sa kaugalingong dugo ug patay na. (BANATNEWS)
Linkback:
https://tubagbohol.mikeligalig.com/index.php?topic=39773.0
