Nila ni Brenda Batuto ug Garry Lao sa The Freeman (Banat) Updated March 21, 2011 12:00 AM
CEBU, Philippines - Ang mga punoan sa kahoy ug mga ancestral houses nga nahimutang daplin sa 20 kilometrong karsada gikan sa dakbayan sa Naga paingon ngadto sa dakbayan sa Carcar dili maapektohan sa road widening o pagpalapad sa karsada matud ni Kongresista Eduardo Gullas sa unang distrito sa Sugbo.
Sa gipahigayong press conference kagahapon sa buntag diha sa buhatan ni Gullas sa University of the Visayas, ang ni kongresista mipasalig ngadto sa publiko nga walay bisan usang punoan sa kahoy ug ancestral house diha sa lugar ang mahilabtan o malarot.
“Cut trees, no way. We will not allow any destruction of the houses there, they are priceless,†matud ni Gullas.
Si Mayor Valdemar Chiong sa Naga ug Mayor Nicepuro Apura sa Carcar ug ang representante sa rehiyonal nga buhatan sa Department of Public Works and Highways (DPWH) mitambong sa nahisgutang press conference.
Ang nahisgutang mga dagkung punoan sa kahoy nga makita diha sa daplin sa kadalanan paingon ngadto sa habagatang bahin sa probinsiya gipangtanom kaniadto sa Bureau of Public Works nga karon DPWH na sa tuig 1915.
Ang DPWH nagplano sa pagpalapad sa duha ka lane nga karsada diin himuon na unya kining upat ka lane aron mamenusan ang kahuot niini. Ang budget sa maong proyekto mokabat ngadto sa P27 milyones.
Si Gullas miawhag sa DPWH nga ang road widening sa Carcar iagi diha sa barangay Valladolid paingon ngadto sa Carcar City proper.
Hinuon ang maong proyekto dili pa dayon maimplementar tungod kay ang DPWH mipahigayon pa og feasibility study niini. (BANAT NEWS)
Linkback:
https://tubagbohol.mikeligalig.com/index.php?topic=39308.0
