USA ka lalake nga naghuwat sa iyang kapuyo nga dunay giingong customer nga gika-sex gipusil patay sa nag-inusarang mamumuno kagahapon sa kaadlawon.
Ang biktimang giila nga si Leonardo Rafael, 46, taga Brgy. Ermita, dakbayan sa Sugbo, nagbarog gawas sa usa ka hotel, diin gikataho nga ni-check-in ang iyang kapuyo uban sa usa ka lalakeng kustomer mga pasado alas 2 sa kaadlawon.
Sa kalit lang niabot ang usa ka lalakeng nagmotorsiklo ug gipusil ang biktima.
Sa pasiuna nga imbestigasyon nga gihimo nila ni SPO4 Alex Dacua, PO3 Leroy Baguio ug PO2 Domino Decorina sa Homicide Section sa Cebu City Police Office (CCPO), nagbutyag nga nagbarog ang biktima atbang sa usa ka hotel diin niya gihatod ang iyang kapuyo nga boring kay dunay customer.
Human nakasulod ang iyang kapuyo sa hotel, nagÂhuwat siya sa gawas diin siya nagbarog daplin sa dan Sanciangko.
Wa magdugay, usa ka motorsiklo ang niabot nga gisakyan og usa ka tawo ug nihunong sa iyang tuÂngod.
Sa kalit lang, niibot ang mao nga lalake og pusil ug dayon gidul-it pagpusil tumong sa ilong ang biktima, kinsa diretsong natumba.
Human sa pagpusil, nisibat ang suspek paingon sa Osmeña Boulevard.
Ang mga tawo sa dapit nga nakakita maoy nanawag sa kapulisan nga daling nitubag sa alarma.
Daling gidala sa kapulisan ang biktima sa Cebu City Medical Center (CCMC) ug gideklarar kini nga dead on arrival.
Matod sa kapulisan nga didto na mahibawo si Joan sa mga tawo nga nagtapok sa gawas sa hotel.
Siya niapas nga naghilak padung sa tambalanan apan wa na niya maabti pa nga buhi ang biktima.
Matod sa kapulisan nga way impormasyon nga nahatag kanila ang mao nga babaye sa posibling motibo sa pagpusil sa biktima.
Ang kapulisan nakakuha og usa ka kabhang sa kalibre .45 nga pistola sa crime scene.
Gipatik sa mantalaang SuperBalita Cebu Septembre 15, 2012.
Linkback:
https://tubagbohol.mikeligalig.com/index.php?topic=54685.0
