Ni Guam P. Logroño
Wednesday, July 27, 2011
MGA bana ingon sa nibugaw sa ilang mga asawa pinaagi sa pagpahimo kanila og cybersex.
Tungod niini, sa 60 ka mga asawa nga gidudahang nalambigit sa cybersex sa dakbayan sa LapuLapu gipailawom sa usa ka seminar nga gipahigayon sa kapulisan ug simbahan sa miaging semana.
Gigamit na kining panginabuhi sa mga magtiayon pinaagi sa pagpasundayag sa mga asawa sa webcam nga lantawon sa mga langyaw nga customer.
Gibutyag kini ni Sr. Supt. Anthony Obenza, director sa Lapu-Lapu City Police Office (LLCPO) atol sa gipahigayong Talakayan sa Isyung Police (TSIP)diha sa Police Regional Office (PRO-7) subay niining problema sa cybersex.
Si Obenza niingon nga ang 60 ka mga asawa gipaubos sa seminar sa miaging semana kalabot sa cybersex human nihangyo ang usa ka barangay kapitan sa usa sa mga barangay sa dakbayan sa pagpahigayon niini.
Iyang gitataw, pinaagi sa text message sa Sun.Star Superbalita, nga ang barangay officials maoy ningduol kanila aron mapailawom sa seminar ang mga asawa nga gidudahan sa komunidad nga nalambigit sa cybersex.
Iyang gitataw nga daghan ang tinubdan sa mga report kalabot sa kalihukan sa mga asawa.
Wa siya motubag kon diha ba sulod sa tagsa ka balay kini gipahigayon.
Gipatik sa mantalaang SuperBalita Cebu Hulyo 28, 2011.
Linkback:
https://tubagbohol.mikeligalig.com/index.php?topic=42548.0