MikeLigalig.com

Ni Lesley Caminade-Vestil (Banat) Updated August 07, 2011 12:00 AM


CEBU, Philippines - Naputos sa samad pinusilan ang lawas sa usa ka ginang nga namatay human kini pusila sa mga tawong nagsakay og motorsiklo didto sa barangay San Nicolas Proper ning dakbayan sa Sugbo sa miaging gabii.

Ang biktima nailhan nga si Alma Eugene, 40, nga nagpuyo sa maong lugar, samtang ang kriminal naggikan sa lima ka tawong nagsakay og motorsiklo nga wala hiilhi.

Sa imbestigasyon nga gilusad sa kapolisan nasayran nga nianang gabii samtang didto sa sulod sa ilang balay   ang biktima nadunggan sa mga silingan ang boto-boto sa armas de fuego sulod sa lima ka higayon.

Dihang kini gisusi sa usa ka menor de edad sa maong lugar nasuta nga ang maong buto didto magsukad sa ngitngit nga  bahin sa maong lugar. Nasuta usab nga ang biktima naglingkod sa likod sa ilang balay nga gilibotan sa mga tanom.

Daling nakapanawag og panabang ang menor de edad sa ilang mga silingan ug gikarga dayon nila kini sa traysikad paingon ngadto sa Cebu City Medical Center diin kini ideklarar nga dead on arrival.

Ang kapolisan nga misusi sa crime scene nakakuha og tulo ka kabhang sa kalibre .45 nga pistola. Padayon pang gisusi karon   sa kapolisan ang posibling hinungdan sa maong krimen. (WC)   - (BANAT NEWS)

Way laing tuyo kon dili pangtodas...

wala na lay ilhon bisan babaye birahan..

Di ni mahitabo nga case of mistaken identity kay sa sulod man sa kaugalingong balay gibugha...

masulbad ba kaha ning mga ingon ani?  puro ra man kabhang ug bala ang makuha sa polis intawon.  di gyod makasakop aning mga nanggimotor nga killers.  hinaot unta nga naay contact ang mga polis sa underworld, just like in the movies.

Hmm, sa atoa morag mas pronounced and baliktad. Ang underworld maoy naay klarong contact sa mga pulis...