Ni Jojo C. Ugdol ug Khacel Anne Sanchez/GMR (Banat) | Updated October 2, 2014 - 12:00am
CEBU, Philippines - Gikulata pa ug gikawatan ang usa ka 46-anyos nga babaye dihang nisukol sa upat ka kiriwan nga misaka sa iyang balay sa Purok Manga, Tayud, Liloan.
Si Jeanette Dabalos kinsa natulog sa sala sa ilang balay ang gigapos dihang nisulod ang mga kiriwan samtang ang bana ug mga anak nga nakatulog sa pikas kwarto ang wala gyud nakabantay sa hitabo alas dos pasado sa kadlawon sa niaging adlaw. Ang upat ka lalaki armado dihang daling nigapos ug nitaptap sa mga mata sa biktima ug gikulata dihang misuway og lugnot.
Gisakiyo sa mga kiriwan ang duha ka pares nga sapatos kantidad P9,000, tulo ka cellphone kantidad og P43,000, laptop nga P40,000, tulo ka singsing nga P20,000, digital camera nga P18,000, kwarta nga P7,500, relo nga P5,000 ug mga ATM ug credit cards.
Ang biktima gidala sa comfort room sa ilang balay ug gibiyaan sa mga kiriwan.
Linkback:
https://tubagbohol.mikeligalig.com/index.php?topic=79051.0
