SuperBalita Cebu
Ni Guam P. Logroño
Thursday, September 4, 2014
ASAWA nga giingong gimingaw sa iyang taudtaud na niyang gibuwagan nananghid sa iyang uyab pinaagi sa text message nga siya maghikog.
Napalgan ang lawas ni Catherine Alfornon, 33, minyo, dunay usa ka anak, crane operator sa usa ka contractor sa Tsuneishi Heavy Industries sa Balamban, Sugbo, sulod sa balay sa Sityo Zebra, Brgy. Buanoy, Balamban.
Ang biktima naghigot og pisi nga blue sa liog.
Si PO1 Donard Pitogo sa Balamban Police Station nga nahinabi sa dySS Super Radyo ug Sun.Star Superbalita, nagkanayon nga ang patayng lawas ni Alfornon, napalgan sa panday nga si Mark Alcontin 30, taga Barangay Arpili.
Si Alcontin nibutyag sa kapulisan nga niabot siya sa balay sa biktima kay nagpanday siya.
Sa dihang mosulod na unta siya kay kuhaon ang mga tools, nakugang siya kay iyang nakita nga nagbitay si Alfornon.
Matod ni Pitogo nga gugma maoy natumbok sa biktima nga magpakamatay kay gimingaw siya sa iyang bana nga nibiya kaniya.
Gibutyag niya nga base text message sa cellphone nga nakuha nila, nananghid si Alfornon sa iyang gika-relasyon nga seaman nga siya magpakamatay.
Gisaysay niya ang iyang kaguol ug problema sa kinabuhi human nibiya kaniya ug sa iyang anak ang iyang bana hinungdan nga mas makaayong magpakamatay siya.
“Dugay naman daw ni silang nagbuwag sa bana. Nagproblema gyud siya sa iyang bana,†dugang ni Pitogo.
Gawas niini, nagbilin sab og suicide note ang biktima mao nga gisalindot sa kapulisan nga dunay foul play.
Linkback:
https://tubagbohol.mikeligalig.com/index.php?topic=78947.0
