Tuesday, March 15, 2011
PATAY ang usa ka lalaki human gidunggab sulod sa usa ka videokihan didto sa Feeder Road 1, Barangay Tibal-og, lungsod sa Sto. Tomas, Davao del Norte, Sabado sa gabii.
Ang biktima nailhan nga si Javier Hayaan Jr., 28, molupyo sa Lateral 8, Barangay Talomo, sa nahisgutang lungsod.
Sa taho gikan sa Sto. Tomas Municipal Police Station, nasuta nga pasado alas 11:30 sa gabii samtang didto sulod sa Bayabasan Videokihouse si Hayaan, kalit lamang nga miabot ang suspek nga nailhan nga si alyas Rap-rap Gelisana, molupyo gihapon sa maong dapit ug sa way paglangan gidunggab ang biktima gamit ang usa ka kutsilyo.
Nakahiagum og samad dinunggaban sa lawas ang biktima hinungdan sa iyang hinanali nga kamatayon.
Human sa hitabo, ang suspek yano rang misibat padulong sa wa matino nga lugar.
Patay'ng lawas sa biktima gihiluna na karon sa usa ka punerarya sa maong lungsod. (Marvin Pineda)
Gipatik sa mantalaang SuperBalita Davao Marso 15, 2011.
Linkback:
https://tubagbohol.mikeligalig.com/index.php?topic=39035.0
