PABILIN pang talandugon ang kahimtang sa balay tambalanan ang usa ka lalaki human lubaa sa iyang igsuon sa Zayas, barangay Carmen, siyudad sa Cagayan de Oro.
Pabilin pang gi-obserbahan sa mga mananambal sa Northern Mindanao Medical Center (NMMC) ang biktima nga nailhang si Rhandy Dagapioso, hingkod ang edad sa maong dapit human makahiagom og lawom nga samad dinunggaban sa walang dughan.
Si SPO3 Fernando Laspoña, imbestigador sa Carmen police station 4 (PS4)
nagbutyag nga nalubaan ang biktima sa suspek nga giilang si Leonil Dagapioso, hingkod ang edad, kinsa igsuon ra sab sa biktima.
Nasuta sa mga otoridad nga una nang nagkabikil sa usa ka istorya ang magsuon apan kalit lang kining nisangko sa pagpangluba alas 12:20 gahapon sa kadlawon.
Giimbestigahan sa kapolisan ang suspetsadong igsuon kinsa paspas misibat human sa krimen. - Brigada News
Linkback:
https://tubagbohol.mikeligalig.com/index.php?topic=41211.0
