IGO ang ulo ug natapsingan lakip ang kamot sa usa ka lalaki human gipusil sa nakamotorsiklo samtang gikan nga naghatod ug patay sa iyaan niini niadtong milabay nga adlaw sa San Antonio, Jasaan, Misamis Oriental.
Nagpaalim pa ang biktima nga si Crispin Basadre, 52, minyo nga residente sa nahisgutang dapit.
Subay pa sa impormasiyon nga gikan ang biktima nga naghatod ug patay ug sa pagpauli na nakig-inom kini sa mga kaparyentehan diha sa nahisgutang dapit kalit lamang kini nga gilabyan sa nakamotorsiklo ug nakahelmet dayon pusil.
Nakaangkon kini og samad pinusilan sa ulo lakip na sa kamot human gipusil sa wala mailing suspetsado, wala matuki nga klase sa armas ang gigamit, ug wala usab matuki nga motibo sa pagpamusil.
Sa pagkakaron pabilin pa nga gawasnon ang wala mailing suspetsado samtang ang biktima ang nagpaalim pa sa Northern Mindanao Medical Center, Cagayan de Oro.
Gipatik sa mantalaang SuperBalita Cagayan de Oro Nobiembre 20, 2015.
Linkback:
https://tubagbohol.mikeligalig.com/index.php?topic=81429.0
