Ni ARNOLD BUSTAMANTE
GRABENG kagutom ang nagtukmod sa usa ka 20 anyos nga lalake sa pagpanulis sa duha ka mga babayeng pulos taga San Juan, Metro Manila niadtong Dominggo sa ala una sa hapon sa Brgy. Camputhaw, dakbayan sa Sugbo.
Ang suspek nadakpan human maatli sa nag roving nga mga barangay tanod.
Matod ni PO2 Alexander Terado Desk Officer sa Station 2 sa CCPO nga samtang nagbaktas ang duha ka mga biktima nga silang Jazmin Yvette Reyes, 20, ug Melissa Go, 20, lumad nga taga San Juan ilang nasugatan ang duha ka mga suspek ug dayong tion sa dala niining Ice pick ug deklarar og tulis.
Nakuha gikan sa mga biktima ang iPhone 6 nga mokantidad og P60,000 ug usa ka gold necklace nga wa masayri ang balor.
Naabtan pa sa unom ka mga barangay tanod sa Camputhaw ang pagpanulis apan usa sa mga suspek nakasibat.
Ang kauban niini nga si John Rey Maghanoy wa makalikay sa mga tanod.
Giangkon ni Maghanoy ang krimen apan iyang gipasabot nga napuÂgos siya sa pagkuyog sa iyang hiÂgala tungod sa grabing kagutom diin duÂha ka adlaw na siyang way kaon.
“Gutom na kaayo, Sir. Dili man jud ko tulisan pero nadala lang gyud ko ba kay gutom na man kaayo. Nangayo bitaw ko sa mga kan-anan, dili man ko hatagan,†pangangkon ni Maghanoy sa dihang nahinabi sa Sun.star Superbalita.
Gipatik sa mantalaang SuperBalita Cebu Septembre 01, 2015.
Linkback:
https://tubagbohol.mikeligalig.com/index.php?topic=80897.0
