LALAKI, GIDUNGGAB TUNGOD SA AWAY SA MANSANITAS
Gidunggab ang usa ka lalaki sa Sibulan niadtong Sabado tungod lamang sa giingong panaglalis bahin sa punoan sa mansanitas.
Sumala pa sa report sa kapulisan sa Bais City, gidunggab sa makadaghang higayon sa suspek ang biktima nga si Romeo Lapinig nga lumolupyo sa Purok Narra, Barangay Tubtubon.
Giingong ganahan nga putlon sa biktima ang punoan sa mansanitas nga gipanag-iya sa suspek.
Gibulag sila sa live-in partner sa biktima ug dali siya nga gidala sa ospital kung diin kasamtangan kini nga gitambalan.
"Wala na-control sa suspek ang iyang kasuko," dungag pa sa report sa police station sa English nga pinulongan.
Anaa na sa kustodiya sa kapulisan ang suspek ug pasakaan siya og kaso nga frustrated homicide.
#NewsBite | with reports from Annie Perez, ABS-CBN News
* * *
Avail of easy and fast online loan at
www.tala.com Philippines
Linkback:
https://tubagbohol.mikeligalig.com/index.php?topic=122920.0
