Ni Guam P. Logroño
Sun Star
KABAW nag-wild sa kasuko nga wa makatakal sa baye nga kabaw, nanungay sa tag-iya nga mag-uuma nga naospital kay ang dughan nataruyan sa sungay kagahapon sa alas 9 sa buntag sa Brgy. Guadalupe, dakbayan sa Carcar.
Si Tomas Dayonot, 61, mag-uuma, nagpuyo sa nahisgutang lugar, kasamtangang giatiman sa mga doctor sa Vicente Sotto Memorial Medical Center (VSMMC) diin gihatod sa iyang mga kabanay human sungaya kagahapon sa iyang toro nga kabaw kay iyang gibadlong sa pagduol sa baye nga kabaw.
Are you short of coins? Check out Sun.Star's multimedia special report on coin circulation.
Ang biktima padulong na unta magsurko sa iyang sa iyang maisan ug gitauran yugo ang tangkugo sa kabaw aron magsugod na unta siya pagbali sa daruhan.
Apan ang kabaw nikisi-kisi kinig maayo dihang nakakita sa baye nga kabaw ug nilugnot aron unta motakal hinungdan nga iyahang gigukod aron pugngan.
Wa damha ang kabaw nasuko kang Tomas, nikalit lang sa pagsumbalik kaniya nga nanungay hinungdan sa pagkatusok sa iyang dughan sa hait nga sungay.
Gikatakdang operahan ang biktima diha sa VSMMC gumikan sa iyang naangkon nga kadaot sa lawas.
Usa ka ginganlan og Mariano, nga maoy naghatod niini sa ospital, nitug-an nga ang kabaw nadakpan hinuon human sa pagsungay ug gihikot kini og maayo aron malikayang makabuhi nga makaangol na hinuon sa uban.
Linkback:
https://tubagbohol.mikeligalig.com/index.php?topic=41431.0
