Ni KRIS C. SIALANA
NAHULOG gikan sa Ysalina Bridge ning dakbayan sa Cagayan de Oro ang usa ka lalaki nga gituohang hubog niadtong Dominggo sa buntag.
Padayon pa nga gipangita ang lalaki kinsa gibana-banang nagpangidaron og 40 anyos pataas.
Sa nakuhang report sa Sun.Star SuperBalita, nasayran nga natulog ang lalaki ilawom sa tulay nga gituohang' labihan ka hubog niadtong higayona.
Sumala sa mga nakasaksi nga nakurat na lamang sila dihang nilagapak na sa suba ang lalaki.
Giingong gisulayan pa sa paglangoy sa biktima ang natagak sab niining' bag apan gituohang naluya na kini ug nalunod.
Dugang sa kapolisan sa Police Station 1 sa Divisoria, nga daling miresponde sa taho, nga taod-taod nga gisusi sa Oro rescue ang suba apan wala na gayud makita ang lalaki.
Gipatik sa mantalaang SuperBalita Cagayan de Oro Septembre 30, 2015.
Linkback:
https://tubagbohol.mikeligalig.com/index.php?topic=81073.0
