SuperBalita Cebu
Ni Dennes R. Tabar
Monday, June 17, 2013
BANA gipusil patay sa iyang asawa niadtong Dominggo sa gabii atol sa kasaulogan sa Father’s Day tungod sa grabeng selos nga nisangko una sa ilang panaglalis.
Ang suspek nagsabak suÂÂlod sa usa ka buwan nga maÂoy ikanapu na nilang anak.
Sa wa pa ang hitabo pasado alas 8 sa gabii niadtong Dominggo, ang suspek nga si Editha Sollano, 41, minyo, nag-inom og ilimnong makahubog sa ilang balay sityo Cambiohan, Brgy. Marigondon, dakbayan sa Lapu-Lapu.
Namawong kini sa suÂga samtang nagpaabot sa iyang bana nga si Samuel Sollano, 47, usa ka panday sa usa sa mga resort sa dakbayan sa Lapu-Lapu.
Ang magtiayon duna nay siyam ka mga anak, diin ang kamaguwangan 24-anyos samtang ang kamanghuran 2-anyos.
Si PO2 Winston Ybañez sa Homicide Section sa Lapu-Lapu City Police Office nga nahinabi sa Sun.Star Superbalita niÂÂÂbutyag nga base sa ilang imbestigasyon, ang mga anak sa managtiayon nibutÂyag nga sa wa pa ang krimen, ilang nadunggan nga nagkalalis ang ilang mga ginikanan.
Taliwa sa ilang panaglalis adunay usa ka buto sa armas nga ilang nadunggan ug sa ilang pagsusi nahagba na ang ilang amahan sulod sa ilang balay.
Daling gidala sa Lapu-Lapu City Hospital ang biktima, apan gideklarar nga patay nang midangat sa tambalanan.
Linkback:
https://tubagbohol.mikeligalig.com/index.php?topic=73451.0