SuperBalita Davao
Tuesday, December 10, 2013
USA ka estudyante ang anaa sa talandugong kahimtang human gigulgol iyang liog alas 6:00 sa gabii, Lunes, didto sa Purok 4, Barangay Gumalang, Baguio District, Davao City.
Ang biktima giila sa kapulisan nga si Christian Magbanua Sunquit, 17, molupyo sa Purok 4, Teachers Village, Calinan District.
Subay sa spot report sa Calinan Police Station, nasayran nga uban sa biktima ang iyang mga higala nga naghulat og masakyan padung pauli, apan kalit giduol sa suspek nga si John Rex Buma-at Narisma, 19, 4th year student.
Ang suspek dunay dalang sanggot, kalit gigulgol ang liog sa biktima. Wa sab gisaysay ang rason nganong nasuko ang suspek kinsa daling mibiya human sa panghitabo.
Ang biktima nakahiagom og tulo ka samad ginulgolan sa liog nga gitambalan sa mga doctor sa Isaac Robillo Hospital sa Calinan.
Ning kasamtangan, padayong gipangita sa kapulisan ang suspek. (Jeepy P. Compio)
Linkback:
https://tubagbohol.mikeligalig.com/index.php?topic=77120.0
