Bisan sa pagpakita sa iyang identification card sa kompaniya ug ubang mga papeles nga usa siya ka engineer, wa gihapon motuo ang mga pulis hangtod nga gikuha ang iyang cellphone.
Didto makita ang mga mensahe gikan sa iyang mga kauban nga nagmatuod nga nagtrabaho siya sa Cemex company.
Niana nang pagka alas otso sa gabii, gibuhian si Fajardo, apan nibati na siya og kauwaw sa mga tawo nga nakakita sa pagsikop kaniya.
“Nasagmuyo gyud mi sa gihimo sa mga pulis sa akong bana. Gisayonsayon ra gyud nila og posas bisan wala silay basehanan, Sir,†matod ni Sanchie Fajardo sa Sun.Star Superbalita.
Ang bag-ong hepe sa Carbon police station nga si Sr. Insp Omar Bognot nipasalig nga iyang ipaubos sa imbestigasyon ang tulo niya ka mga sakop.
Iyang giangkon nga wa siya masayod sa nahitabo sanglit niadtong mga tungora na busy sila sa pagpangandam sa paghatag og siguridad alang sa Sinulog grand parade.
“Gagawa tayo ng imbestigasyon. Ipapatawag natin yung dalawa nating police upang alamin ano ang nangyari,†matod ni Bognot.
Apan matod pa niya nga kon nakahimo og kalapasan ang iyang mga sakop, siya na ang mangayo ug pasaylo sa ilang nasaypan pagdakop ug misaad nga di na kini masubli pa.
“Sana mapagpasensyahan nila ang aking mga tao,†sigon ni Bognot.
Apan si Fajardo gustong mopatawag sa tulo ka mga police sa Police Regional Office 7 ug andam siya nga mopasaka og kaso.
“Dako kaayo ang kasagmuyo namo. Salig nga usa lang ka sibilyan. Nganong giingon ana ka sayon pagdakop. Maayo mag kriminal na akong bana nga ingon anaon, gidiretso og guyod sa gawas,†matod ni ginang Fajardo.
Gipatik sa mantalaang Superbalita Cebu Enero 22, 2016.
Linkback:
https://tubagbohol.mikeligalig.com/index.php?topic=81751.0
