MikeLigalig.com

Press Release
GOVERNORs' PERFORMANCE 2019
BENserbisyo EVARDONE
"Eastern Samar...Aton Probinsya, Tawo Iton UNA"
Binisita An Brgy. Iwayan, Oras  Komo Kaparte Han Panginano Kun Ano An Mga Kahimtang Han Kabarangayan.
Disyembre 5 Huwebes

Mahuman mag 'turn-over han 160 kasako nga bugas ha munsipyo han Oras, Sinirangan Samar, nagdiretso an Team Performance ngadto ha Brgy. Iwayan, Oras nga maabot trenta minutos nga byahe pinaagi hin pagsakay han sampan o di- makina nga baloto. Dinhe, dara na gihapon han grupo an ayuda nga bugas para han Brgy. Iwayan, nga kaparte han 160 kasako para ha bungto han Oras. Hine nga panhatag hin bugas tikan han pondo han probinsya, una na dinhe nga kinarawat an Arteche nga maabot 130 kasako ngan sinundan han Jipapad nga mayda 104 kasako hin bugas nga nahipadangat. Ngan posible naman sumunod an bungto han Maslog.

Iguin promiso ni Gob. Ben Evardone han mga molopyo han Brgy. Iwayan nga mabalik pa gihapon an grupo hine nga barangay dire na hiunong hin kalamidad kundi an padayon nga panginano han mga proyekto labi na pagtuman hin kalsada agud makab-ot na ine nga lugar pinaagi hin 'land transportation'. Usa pa dinhe an paghuman han covered court nga aada pala ha Phase1 an natrabaho.

Ha parte han panlawas, iguin malipay gihapon igsumat han Gobernador, an mga poyde na matagamtaman nga programa han gobyerno labi na "Universal Health Care" (UHC), an ngatanan libre na han Philhealth. Ha 'Provincial Hospital' ginbubuhat na gihap an "Libre Na, Libre Pa" pinaagi han pag asister han "Malasakit Center" nga aada an 'one stop shop' nga pagproseso han mga libre nga programa.

Kanan ha pag-aradman naman, labot la nga libre naman an Edukasyon o libre na an 'tuition fees', guin siguro na an pondo ha tuig 2020, an hingyap ni Gob. Ben nga matagan naman hin libre nga 'allowance' an mga estudyante para han transportasyon ngan 'miscellaneous expenses' bisan pa ha pag-abot han pag 'review' nga ma eksamin han 'board exams' mayda liwat naka alutaga nga pondo para dinhe.

Sireng niya, ine nga katumanan, dara na ine han solido nga pagkaurusa han Team Performance mas hapsay an madadangatanan nga mga kaupayan para han mga kabarangayan dara han pagbinubligay nira han Kongresista, Maria Fe Abunda upod hi Bise-Gobernador Maricar Sison Goteesan ngan han mga Board Members ug iba pa nga mga opisyales.

* Today's Helpful Tip *
Tala app is a fast and easy way to borrow money, and it's used and trusted by many. Download Tala to join millions of Filipino users today! >>> http://inv.re/9o3vp



Linkback: https://tubagbohol.mikeligalig.com/index.php?topic=91748.0