PADAYON ang gihimong manhunt operation sa Calinan Police Station labot sa usa ka traysikad drayber kinsa maoy midunggab sa kaubang drayber samtang nagtagay.
Ang insidente nahitabo sa alas 8:00 sa gabii, Biyernes didto sa Purok 7, Buhawi, Calinan District.
Giila ang biktima nga si Larry Ebasitas Ordaniza, 44, samtang ang suspek mao si Ranil Faildin Magale, 36.
Base sa inisyal nga imbestigasyon ni Police Officer 2 Joel Tesoro Guanzon nasayran nga nagtagay ang biktima uban ang iyang mga higala gawas sa tindahan.
Kalit miabot ang suspek kinsa gituohang lango sa ilimnong makahubog ug nakiglalis sa biktima sa wa masayri nga rason.
Si Edwin Ordiniza, ig-agaw sa biktima nag-ingon nga di gusto sa biktima nga makiglalis apan gikompronta kini sa suspek.
Giingon nga mibunlot og kutsilyo ang suspek ug giduslak sa likod ang biktima apan nakadagan ug wa madugay natumba sa unahan.
Human sa panghitabo, daling misibat ang suspek samtan ang biktima wa na makaabot nga buhi sa tambalanan ni Dr. Rosanna Vinson sa Isaac Robillo Hospital.
Ang kapulisan padayong naghimo og imbestigasyon sa maong hitabo. (JPC)
Gipatik sa mantalaang SuperBalita Davao Agosto 09, 2015.
Linkback:
https://tubagbohol.mikeligalig.com/index.php?topic=80738.0
