Didto niya nadiskubrehan ang istorya nga mipaluyo niini, human nanugilon ang iyang higala nga gikan mipalit og sigarilyo sa tindahan gawas sa punerarya.
Nanugilon dayon ang barkada ni Rollin nga subay sa gisaysay sa tindera, magduha na ka bulan si Nanay Zosima nga gihaya ug natingala sila nga wala na ginaduaw sa iyang mga kabanay.
Gisaysay sab sa tindera nga gihatod ang patay nga lawas ni Nanay Zosima sa iyang anak sa maong punerarya diin sa unang haya daghan pa ang mga nagbilar apan miabot ang pipila ka adlaw, wala nay mibisita tungod naglagot ang ubang kabanay sa usa sa iyang mga anak.
Giingon nga ang usa sa mga anak ni Nanay Zosima nga naa sa abroad nagpadala og kuwarta sa iyang igsuon diri sa Davao City aron mapahiluna ang haya ug mapalubong ang ilang inahan, apan giingong gisugal ang kuwarta sa casino sa pamasin nga madoble kini.
"Sabi ng tindera, nung September pa siya dinala ng kanyang anak d'yan. Si nanay daw ay may anak sa abroad. Nagpadala daw ng pera ang anak ni Nanay sa kapatid n'ya dito para maasikaso ang libing ng kanilang nanay ngunit sinugal daw sa casino ang perang pinadala dahil nagbabasakaling madoble ata ang pera, pero sa kasamaang palad natalo raw," tipik sa post ni Rollin sa iyang Facebook account.
Gisaysay pa sa post nga human nga wa na'y miduaw sa haya ni Nanay Zosima gikan sa mahalon nga kuwarto, gibalhin kini sa tagdumala sa punerarya sa non-aircon nga lawak.
Nasayran pa nga ang mga bulak sa ubang gipanghaya ginabutang nalang sab didto sa haya ni Nanay gumikan naluoy ang mga tagtungod sa kauban niining gihaya sa mga mahalong mga kuwarto.
"Simula no'n, hindi na raw binalikan si Nanay ng kanyang anak. Nung una, sa magandang kuwarto raw nakalagak si Nanay, pero mga ilang linggo, inilipat siya sa dulo na hindi na ginagamit na room at lahat ng mga lantang bulaklak sa iba't ibang room doon nilalagay," sumpay sa post ni Rollin.
Linkback:
https://tubagbohol.mikeligalig.com/index.php?topic=81484.0
