Ni Jojo C. Ugdol/GMR (Banat) | Updated March 9, 2015 - 12:00am
CEBU, Philippines- Patay ang usa ka lalaki human gitusak sa bala sa armas samtang nanisko sa barangay Alegria, lungsod sa Tuburan.
Ang biktima giila nga si Jeffrey Alindao, 29, alyas Opaw, minyo nga taga barangay Kabangkalan sa maong lungsod. Matud ni PO2 Barry Entia, sakop sa alert team sa Tuburan Police, nga samtang naglingaw-lingaw sa lugar ang biktima kalit lang gipusil sa makadaghan nga higayun hinungdan nga nakabsan sa iyang kinabuhi.
Pito ka basiyo sa bala sa kalibre .45 ang narekober sa kapolisan sa crime scene nga gituohang gigamit sa mamumuno. Sa inisyal nga pagsubay sa kapolisan nasayran nga posible’ng igo lang gibaslan ang biktima sa mga gikaaway niini.
Napriso na kanhi ang biktima sa kaso’ng homicide ug nalutsan og warrant of arrest niadto’ng Nobiyembre 7 apan nakagawas human nakapiyansa.
Hinuon wala gipadaplin sa kapolisan ang uban pa nga anggulo diin posible sab nga may lain pa nga kaaway ang biktima. (BANAT NEWS)
Linkback:
https://tubagbohol.mikeligalig.com/index.php?topic=79616.0
