Saturday, May 09, 2015
Ni HERTY B. LOPEZ
LALAKENG way ikapalit og bugas naghikog sa usa ka langub sa Barangay Catmondaan, lungsod sa Catmon, amihanang Sugbo niadtong Biyernes sa buntag.
Nahibulong ang kaparyentihan ni Philip Dongallo Prosia dihang wa siya mouli sa ilang balay sulod sa pito ka oras niadtong Biyernes.
Dihang gipangita siya sa iyang mga kabanay pasado alas 5 sa buntag, nasuta nila nga naghigot sa iyang kauÂgalingon si Prosia sulod sa gamay nga langub nga nahimutang mga 100 ngadto sa 150 metros gikan sa ilang balay.
Ang 43-anyos nigamit og liston sa sapatos nga ang pikas tumoy iyang gihigot sa bato.
Base sa imbestigasyon sa Catmon Police Station nasuta nga aduna’y suicide note nga gibilin si Prosia sa iyang balay.
Giingon naghikog ang biktima tungod kay gipaÂsagdan na siya sa kabanay ug wa nay ikapalit og bugas.
“Ayaw nalang ko ninyo pangitaa kay inyo man ko biyaan, wala na ko ikapalit og bugas. Atimana si Mama. Daghang salamat sa inyo inday, dodong,†tipik sa suicide note ni Prosia.
Nasuta nga person with disability (PWD) ang biktima.
Dali siya gidala sa Rural Health Unit sa lungsod aron matabang sa personnel apan gideklarar na kini nga patay.
Linkback:
https://tubagbohol.mikeligalig.com/index.php?topic=79933.0
