MikeLigalig.com

Si Anita Tijano, 65, inahan sa biktima nga na-interview sa TV5 Cebu, mitug-an nga niadtong Huwebes ang iyang anak diha ra sa ilang balay apan nahibulong siya nianang pagkahapon nga wala na diha kay naandan niini nga maligo gyud kada hapon iyang anak.

Tungod sa kabalaka nga wala na niya makit-i ang anak nakahukom siyang pangitaon kini sa barangay hall hangtud nga nakahuna-huna siya nga moadto sa Fuente Police station.

Matud sa inahan nga sa iyang pag-abot sa Fuente Police Station wala dayon siya tug-ani sa mga pulis apan pagkataud-taod miabot si Chief Insp. Michael Anthony Bastes ang hepe sa maong buhatan.

Si Bastes na maoy mipahibalo kaniya sa nahitabo sa anak ug dihang iyang gipangutana kung napusilan ba sa pulis ang iyang anak giingong gitubag siya niini nga natumba ra kini.

Si Anita mihimakak sa pasangil nga nanulis ang iyang anak tungod kay abnormal kini og pangisip ug maoy sugo-suguon sa mga silingan paglabay sa ilang mga basura.

Si Bastes sa iyang bahin atol sa interbyu miingon nga iyahang gipaubos sa imbestigasyon ang tanan niyang sakop nga duty niadtong higayona aron masayran kun si kinsa ang dunay lapses ug ang resulta sa imbestigasyon iyang iduso ngadto sa Investigation and Detective Management Branch (IDMB) sa CCPO aron patas ug wala siyay gilabanan sa iyang mga sakop.

Gitataw niya nga gi-turnover ra sa ilang buhatan ang biktima sa usa ka BPAT ug posibleng didto pa kini gitabangan og kulata atol sa pagdakop ug sa dihang gi-turnover kanila labihan nang bun-oga. Gipanghimakak usab ni Bastes nga mitanyag siya og P10 mil sa inahan hinuon andam siyang mopailawom kun duna may pagahimuon nga imbestigasyon batok sa maong alegasyon.

Kagahapon gimando ni Sr.Supt. Melvin Ramon Buenafe ang pagrelibo kang Bastes ug tulo niini ka mga sakop diha sa Fuente samtang adunay lawom nga imbestigasyong buhaton kabahin sa nahitabo.(EIM) (BANAT NEWS)

Linkback: https://tubagbohol.mikeligalig.com/index.php?topic=42179.0

14 ka gusok ang nangabali sa gikulata nga dinakpan
Ni Joy F. Tumulak
Saturday, July 9, 2011


KATORSE ka mga gusok ang nangabali ug grabing bun-og sa dughan maoy namatyan sa gidudahan nga k******n sulod sa Fuente police station niadtong Huwebes sa gabii.

Sa gipahigayon nga autopsy sa lawas ni Joven Tejano, 32, taga Sityo Mahayahay, dan A. Lopez, dakbayan sa Sugbo, nakita nga ang hinungdan sa iyang kamatayon mao ang “blood traumatic injuries” sa iyang kalawasan.

Gituohang gikulata ang biktima sud sa presento, sumala sa pasiunang mga kasayuran nga nadawat sa Cebu City Police Office (CCPO) nga nagsusi na karon sa mao nga insidente.

Si Dr. Nestor Sator, medico legal officer sa PNP Crime Laboratory, niingon nga di mahimong mabuhi ang usa ka tawo nga nakaangkon sa susamang bun-og nga naangkon ni Tejano.

Matod ni Sator nga unom ka mga gusok ang nabali sa wala nga kilid sa biktima ug laing walo ka mga gusok ang nabali sa tuo nga bahin sa iyang lawas.

“Way mabuhi adto nga tawo sa kadaghan sa bun-og. Maglisod na man og ginhawa tungod sa mga bali sa gusok,” nagkanayon si Sator.

Lakip sa naapiktuhan mao ang baga ug ang atay sa biktima nga resulta sa mga bun-og nga iyang naangkon, dugang pa ni Sator.


More at: http://www.sunstar.com.ph/superbalita-cebu/balita/2011/07/09/14-ka-mga-gusok-nangabali-sator-165940

Linkback: https://tubagbohol.mikeligalig.com/index.php?topic=42179.0

Ni Guam P. Logroño
Thursday, July 14, 2011


KASONG murder ang gipasaka sa Homicide Section sa Cebu City Police Office (CCPO) batok sa ex-military ug Taekwondo instructor nga sakop sa Tracker team nga maoy responsable sa kamatayon sa piniriso sa karsel sa Fuente Police Station.

Si SPO1 Jay Yballe, chief investigator sa Homicide Section nga nahinabi sa Sun.Star Superbalita nibutyag nga kagahapon sa hapon ilang napasaka ang kasong murder batok kang Pedro Piañar “alias Peter,” taga Barangay Nangka, lungsod sa Consolacion.

Si Piañar maoy gitumbok sa iyang tulo ka mga kauban sa Tracker nga testigos karon sa Homicide Section nga gihuptan nga maoy nikulata kang Joven Tejano, 32, taga Sityo Mahayahay, A. Lopez, Barangay Calamba, dakbayan sa Sugbo.

Si Tejano gideklarar nga dead-on-arrival (DOA) sa Cebu City Medical Center human nakaangkong mga bali sa iyang mga gusok tungod sa grabing pagkulata.

Si Yballe niingon ang tulo ka mga sakop sa Tracker ningduso gyud og affidavit nga nagtumbok kang Piañar nga maoy nikulata ingon man niyatakyatak sa biktima dihang giimbestigar sa ilang opisina.

Matod niya nga ang tulo nga di lang niya hinganlan kay nabalaka sa ilang seguridad ningbutyag nga mga alas 10:45 niadtong Huwebes sa miaging simana ilang gikuha si Tejano gikan sa karsel.

Dihang giimbestigar ni Piañar ug mobalibad ang biktima, patiran gilayon diha sa iyang kilid ug tiyan.

Gani dihang nahagba sa sawog giyatakyakan pa niini.

Gibadlong unta sa mga testigos ang ilang kauba nga di kulatahon apan wa kini patuo hinungdan nga ang biktima pwerting bun-uga.

Nakapasamot sa bun-og mao ang combat boots nga gisul-ob sa suspek.

Nunut niini sulbad na ang maong kaso alang kang Yballe, sanglit napasakaan gyud nilag kaso ang tinud-anay nga reponsable.

Si Chief Insp. Bonifacio Garciano, hepe sa Investigation and Detective Management Branch (IDMB), nagkanayon nga ilang gi-consolidate ang tanang affidavit nila ni Chief Insp. Michael Anthony Bastes ug mga sakop alang sa pagtan-aw kon si kinsa niini ang angay pasakaag kasong administratiba.

Kon dunay mga bug-at nga basihanan, ilang ipa-ubos sa pre-charge investigation nga iduso sa Police Regional Office alang sa summary hearing niini.


Gipatik sa mantalaang SuperBalita Cebu Hulyo 15, 2011.

Linkback: https://tubagbohol.mikeligalig.com/index.php?topic=42179.0

Di man Police ni'ng mga Tracker...civilian ra man ni sila pero gi armahan......pareha ni sila sa mga confidential agent sa NBI...nga kasagaran mga hambugero...labaw pa hinoon sa tinuod nga police.
Ngitngit pas alkitran ning mga tawhana.



Linkback: https://tubagbohol.mikeligalig.com/index.php?topic=42179.0

salamat, bugs.  karon pa ko kahibawo nga ing-ana diay ang tracker.  sa tinuod, karon pa ko kadungog ana nga ngan nga sakop sa atong law enforcement.  ang tracker nga akong nahibaw-an kadto ra mang mga indians nga tracker sa american classics.

kun ngitngit pa ni sila sa alkitran, buot ipasabot nga hardly ni sila answerable for what they do.  kanus-a ra man tawon nauso ning mga hayopa?     

Linkback: https://tubagbohol.mikeligalig.com/index.php?topic=42179.0

Pasangil ra man unta ang kaso pero  gipatay man  hinoon,
kamaayo baya  nga patiran sa  ampapangig aron  mabuak iyang  dagway 

Linkback: https://tubagbohol.mikeligalig.com/index.php?topic=42179.0