Ni HERTY B. LOPEZ
GIDEKLARAR na nga Zero Open Defecation (ZOD) ang Barangay Sillon, lungsod sa Bantayan human hingpit na nga nahatagan ang tanang panimalay niini og pansayan.
Aduna’y 996 ka mga panimalay ang barangay ug 472 niini mao ang way kaugalingong pansayan.
Ang pagdeklarar og ZOD nagpasabot kini nga bisan paman nga kuwang ang mga pansayan apan ang mga residente sa lugar di na kini malibang sa bisan asa apan ug aduna na silay angay nga hygiene aron luwas sila sa kagaw nga gikan sa hugaw sa tawo.
Gilangkuban sa Municipal Health Officer, Rural Sanitary Inspector ug sa third party nga representative gikan sa Internations Non-Governmental Organization nga nakigtambayayong usab sa Department of Health alang sa programa niini nga Water and Sanitation Hygiene (WASH).
Ang grupo nibisita sa lugar nga wa magpahibaw sa 10 porsiyenÂto sa kinatibuk-an nga panimalay sa lugar aron masuta kon pasado na ba kini sa ZOD criteria.
Base sa standards sa DOH ubos sa programa nga Philippine Approach to Total Sanitation (PhATS) nga madeklarar lang ang usa ka lugar nga ZOD kana kon wa nay malibang sa publiko nga mga luna.
Gikinahanglan usab nga anaa silay kaugaliÂngon o nakisawo sila og pansayan ug gibansaybansay na nila ang pagpanghugas sa kamot pinaagi ang sabon ug tubig human modamit sa pansayan.
Gipatik sa mantalaang SuperBalita Cebu Hulyo 22, 2015.
Linkback:
https://tubagbohol.mikeligalig.com/index.php?topic=80587.0
