Ni Guam P. Logroño
Thursday, March 7, 2013
UPAT ka mga bayut nga nailang fashion designer sa Metro Cebu naÂsikop sa buy-bust-operation kagahapon sa kaadlawon.
Matag usa kanila nakuhaan og illegal nga drugas nga Ecstacy sa ilang tagsa ka possession dihang sila gisikop sa mga pulis sa may Wilson st., Barangay Lahug, dakbayan sa Sugbo.
Ang Ecstasy usa ka stimulant drug nga momugna og hallucinations ug mosinati og high ang mogamit niini.
Gibalhog sa mga pulis si Ivan Briones Belocura, 37, alias Inday, nagpuyo sa nahisgutang lugar, human nakuhaag usa ka capsule sa Ecstacy sa gipahigayon nga buy-bust operation sa mga sakop sa Reginal Anti-Illegal Drugs Special Operations Task Group (RAIDSOTG-7).
Lakip sa nasikop ang mga kustomer nga sila si Junjie Saavedra Ignacio, 24, ulitawo, fashion designer, taga Velpal 1, Minglanilla, Cebu; Glenn Cardeño Libradilla, 23, ulitawo, fashion designer, taga Mohon, dakbayan sa Talisay; ug Ryan Lariego Dumago, 31, ulitawo, fashion designer / make-up artist, taga Barangay TungÂhaan,
Minglanilla.
Ang mga suspek nakuhaan og tagsa ka capsule sa Ecstacy nga ang kantidad tag P1,500 matag usa.
Si Sr. Insp. Henrix Bancoleta, team leader sa RAIDSOTG-7, niingon nga usa ka tuig na nga nagbaligya og Ecstacy si Belocura.
Matod niya nga sagad sa mga kustomer niini mga kaila lang ug mga fashion designer.
Usa nila ka kauban nga pulis maoy nagsilbing poseur buyer, nipalit sila og usa ka Ecstasy.
Dihang gidunol ni Belocura ang drugas dali siyang gisignit, lakip ang tulo ka mga kustomer.
Ang upat ka mga dinakpan gibalhog sa karsel sa PRO-7 ug kuhaan unta og pamahayag sa Sun.Star Superbalita sa ilang habig apan way bisan usa kanila nga nitingog.
Linkback:
https://tubagbohol.mikeligalig.com/index.php?topic=71207.0
