| More | Ni Dennes R. Tabar
Tuesday, September 11, 2012
USA ka dean sa College of Engineering sa usa ka unibersidad dinhi sa dakbayan sa Sugbo giÂpasanginlan sa usa ka 16-anyos nga menor nga babayeng tinun-an nga nirubo kaniya sulod sa usa ka motel sa North Reclamation Area niadtong Agusto 29, 2012.
Tungod sa kahadlok sa tinun-an sa engineering human sa hitabo, wa na kini motungha.
Ang 50 anyos nga dean gipasakaan og kasong act of lasciviousness in relation to Republic Act (R.A. 7619) kun child abuse kagahapong adlawa sa Mandaue City Prosecutor’s Office.
Base sa pasiunang imÂbestigasyon sa kapulisan nagbutyag nga ang biktima nga si Maria (di tinuod niya nga ngan) nagsakay sa usa ka PUJ nga pasado alas 4 sa hapon niadtong Agusto 29 paingon sa ilang tunghaan.
Samtang diha pa siya sa PUJ gikan sa lungsod sa Liloan padung sa terminal, nakadawat siya og text message gikan sa ilang dean nga nanguÂtana kaniya kalabot sa iyang nahimutangan.
Ang menor de edad nitubag nga nagsakay na siya og jeepney nga duol pa sa North Bus Terminal, apan ang dean niÂtubag nga magpaabot siya sa terminal.
Sa dihang gipangutana sa biktima ang dean kon ngano nga magkita sila, nitubag kini nga mohimo sila og selebrasyon sa ilang kadaugan sa bag-o lang nahuman nga intramurals.
Nisugyot ang biktima nga maayong adto na lang sila mag-abot sa eskuwelahan tungod kay atoa man ang uban niyang mga classmate ug nisugot usab ang ilang dean.
Sa dihang niabot ang opisyal sa North Bus Terminal, nimando kini sa biktima nga mosakay na lang sa iyang sakyanan paingon sa ilang eskuwelahan.
Sa dihang iyang gibaÂlibaran, namugos kini hinungdan nga napugos na lang siya sa pagsakay sa backseat.
Apan inay mopaingon sa ilang eskuwelahan, niliko sila sa usa ka motel sa North Reclamation Area.
Sa iyang affidavit, ang biktima niingon nga iyang gibati ang tumang kahadlok ug kakulba sa dihang iyang nakita nga paingon sila sa motel.
Ang suspek nimando kaniya sa pagkanaug aron pagsulod sa usa ka kuwarto.
Sa dihang didto na sila sa sulod sa lawak, gihikap ang iyang pribadong bahin sa lawas samtang siya naghilak og maayo.
Nagsige siya og hangÂyo sa dean nga hunongon na ang iyang yawan-ong buhat.
Nihunong sa iyang gibuhat ang dean ug nimando kaniya nga di siya pasultihon ni bisan kinsa.
Sa dihang sila nanggawas, nihangyo siya sa ilang dean nga mokanaog na lang siya sa usa ka mall.
Wa na siya molahos pa sa pag-adto sa tunghaan ug nipauli siya sa ilang balay.
Kay naglisod siya sa pagtug-an sa nahitabo kaniya, ang biktima nibilin og suwat ngadto sa iyang inahan labot sa hitabo.
Gipatik sa mantalaang SuperBalita Cebu Septembre 12, 2012.
Linkback:
https://tubagbohol.mikeligalig.com/index.php?topic=54624.0
