Sun Star News
NAPRISO ang usa ka lalaki human giingon nanglugos sa 14 anyos nga dalagita niadtong Huwebes mga alas 10:30 sa gabii sa Barangay Sihayon, lungsod sa Tagoloan, Misamis Oriental.
Ang biktima taguon lamang sa ngalan nga Lynet, 14, tinun-an sa high school sa pribadong tunghaan sa lungsod.
Si PO1 Angelita Bangot sa Tagoloan Police Station nibutyag ug niklaro nga hapit lamang gilugos ang biktima dihang kuyog kini sa bag-o lamang naila nga suspetsadong si Joel Taca-taca, 25, ulitawo, sa susamang dapit.
Nasayran gikan kang Bangot nga nikuyog ang biktima sa suspetsado dapit sa dike apan kalit lang kining gidala didto sa usa ka slaughterhouse.
Gipugos sa suspetsado sa pagpahubo ang biktima, apan gisipa siya niini hinungdan nga siya nidagan ug nipaingon sa usa ka videoke bar. Naalarma ang mga tawo sa sulod ug gitabangan nila ang dalagita.
Diha diha sab dayon nga miresponde ang kapolisan ug gidala sa prisuhan ang suspetsado.
Gihimakak usab sa suspetsado ang alegasyong pagpanglugos.
Linkback:
https://tubagbohol.mikeligalig.com/index.php?topic=33034.0
