Ni Sheila C. Gravinez
Sunday, July 1, 2012
ELECTRICIAN nga na-missing niadtong Sabado sa hapon human giingon nga gitiawan sa usa ka maanyag nga babaye, ang napalgang patay na nga nag-utaw-utaw sa utlanan tali sa dakbayan sa Talisay ug siyudad sa Sugbo sa South Road Properties (SRP) sa Barangay Mambaling kagahapon sa alas 2:00 sa hapon.
Si Jackson Ramos, 21, nagpuyo sa Sitio KaÂbayoan sa Barangay Laray habig sa siyudad sa Talisay naligo sa dagat kauban sa iyang mga higala niadtong Sabado.
Matod ni SPO4 Alex Dacua sa Homicide Section sa Cebu City Police Office nga nisugilon ang usa sa mga higala ni Ramos nga gihagad sila niini nga moadto sila sa atbang sa ilang gilangoÂyan tungod kay duna kini nakit-an nga maanyag nga babaye nga nikamay kaniya.
Ang biktima nilangoy paingon ngadto sa nahimutangan sa babaye nga iyang nakit-an apan lawom na ang tubig ug dili ni kahibawo nga molangoy hinungdang nalumos.
“Nakakita daw ni siya og babaye nga guwapa, iyang giingnan ang iyang mga kauban nga moadto sa pikas sa atbang. Siya ray nakakita sa babaye ang iyang mga kauban wala,†asoy ni Dacua sa interview sa sibyaanang dyHP kagahapon.
Si Ramos nakahawid pa sa iyang mga higala apan tungod kay di sila pulos kahibawo molangoy nakabuhi ni samtang ang iyang mga higala nakahigayon pagbalik ngadto sa daplin sa baybayon.
Naluwas ang iyang mga higala ug daling nangayo og tabang sa mga tawo ug gitabangan pagpangita sa mga rescuers si Ramos niadtong Sabado sa hapon apan wa ni makit-i.
Alas 2:00 kagahapon sa hapon, usa ka mananagat nga si Albert Catuburan, 44, nakakapÂlag og usa ka lawas nga naglutaw-lutaw duol sa lugar diin malumos si Ramos.
Taudtaod nailhan kini nga iya sa biktima.
Ang lawas niini gidala sa St. Francis Funeral Homes. --Gipatik sa mantalaang SuperBalita Cebu Hulyo 02, 2012.
Linkback:
https://tubagbohol.mikeligalig.com/index.php?topic=52304.0