Ni Lesley Caminade Vestil (Banat) Updated March 08, 2011 12:00 AM
CEBU, Philippines - Nagpatong pa sa 14-anyos nga dalagita ang uyoang nakighilawas sa nahauna dihang nasakpan sa lolo sa dalagita didto sa Upper Mosaba barangay Cantabaco, syudad sa Toledo sa miaging gabii.
Giila lang sa ngalang Allan Dagohoy, 35, uyoan sa biktima, matud pa ni POl Emmanuel Aragon sa Toledo Police Station.
Sumala ni PO1 Aragon nga ang apohang lalaki sa dalagita maoy nakasakop sa gibuhat sa duha.
Matud pa ni PO1 Aragon nga ang panaghilawas sa duha nahitabo ubos sa kangitngit sa balay sa dalagita kay walay kuryente diin migamit og flashlight ang lolo sa dalagita kay may gipangita siya sa sulod sa balay dihang nakita niya ang nagsinaw nga likod sa uyoan nga nagkabayo sa pag-umangkon niini.
Gumikan sa kakurat, pagkamatngon nga may mangiwag, mikalit og bangon ang uyoan ug mikabad og dagan pahilayo sa maong lugar nga gibiyaan ang dalagita, matud pa ni Aragon.
Midugang siya nga ang dalagita mihilak sa kakuyaw ug mibutyag sa iyang apohan nga napahimuslan siya sa iyang uyoan kay mikalit lang kini og saka taliwala sa kangitngit sa ilang balay niadtong tungora.
Tungod sa iyang kahadlok wala siya makareklamo dihang gikupogan siya niini ug wala siya kapiog sa kakusgan niini nga mipahimulos kaniya.
Ang apohan uban sa ginikanan sa biktima mitawag dayon sa kapolisan ug sila si PO1 Florante Cayzon, PO2 Benjo Flat ug PO1 Emmanuel Aragon maoy nangita sa suspetsado.
Nadakpan nila ang suspetsado kinsa mitug-an sa iyang sala nga nabuhat tungod kay matud pa natintal lamang siya sa kaanyag sa iyang pag-umangkon.
Hinuon dihang gisukit na sa piskal, mitug-an ang biktima nga wala siya pugsa sa pagpabilangkad sa suspetsado dihang gipahimuslan siya niini.Apan bisan pa niini, posibleng laing klase sa sexual harassment ang ipasaka batok sa suspetsado nga kasamtangang gibalhog sa prisohan sa Toledo Police Station. (WC) (BANAT NEWS)
Linkback:
https://tubagbohol.mikeligalig.com/index.php?topic=38675.0
