Press Release
CONG. ABUNDA NAGHATAG PONDO ILARUM HAN TUPAD NGA PROGRAMA, MGA TRICYCLE DRIVERS PRAYORIDAD TAGAN NI MAYOR AGDA
BORONGAN CITY, Eastern Samar, May 1, 2021 - Gintikangan kangina han alas-6 han aga an upat-ka-oras kada adlaw nga pag-seserbisyo han maabot 70 nga mga tricycle drivers han syodad han Borongan nga napili makakarawat benepisyo ilarum han programa nga Tulong Panghanapbuhay sa Ating Disadvantaged/Displaced Workers (TUPAD) nga iginpapatuman han DOLE pinaagi han pondo tikang han opisina ni Congresswoman Maria Fe R. Abunda.
Ginkawarat an programa han goberno syodad ha pamumuno ni Mayor Jose Ivan Dayan C. Agda pinaagi kan Mr. Rodito Capito han City Laiason Office ngan Public Employment Service Office.
Ginbuhat kanina an siyahan nira nga pagserbisyo nga Clean-up Drive ha Bay-bay Bouleveard kundi gintagan anay an mga driver hin mga t-shirt, sabon, kalo, ngan facemasks komo PPEs nira han ira pagtrabaho.
Sumala kan PESO Manager Judith Noromor, pinili ni Mayor JIDCA an mga Tricycle Drivers o TODA Members komo prayoridad han programa dara kay usa hira han pinaka-apektado han pandemya tikang pa han paglockdown han Borongan hadton una nga tu-ig.
Ine daw gud in dako nga bulig para makadugang han ira pipirahay nga kinikita han ira pamasada kada adlaw.
Nabaroan pa, nga makakatagamtam han TUPAD nga programa an ngatanan nga myembro han Tricycle Operators and Drivers Association (TODA) han Borongan ug bisan pa adton diri myembro basta namamasaheros. Naabot P325.00 an ira makakarawat kada adlaw, sakop in hin 15-adlaw nga pagtrabaho.
Kahuman han ira upat ka oras nga pagtrabaho, pwede na liwat hira bumalik han ira pamasada.
Ha pagka-yana, an siyahan nga “batch” nga 178 nga mga tricycle drivers ug TODA members an nakarawat hini nga programa.
Gin-aaghat an ngatanan nga mga TODA members nga magpalista didto han ira mga TODA president para makabulig hini nga programa.
An mga diri naman myembro han mga TODA in pwede kumadto ha PESO o Laiason Office han Borongan City Hall para magpalista.#
(w/ reports of Jomar Labro Adona)
#BoronganonDisiplinadoAko
Best Website Host:
www.bluehost.comLinkback:
https://tubagbohol.mikeligalig.com/index.php?topic=121181.0
