Ni Darrel A. Carumba/WC (Banat) Updated April 22, 2012 12:00 AM
CEBU, Philippines - Gumikan sa kaguol nga gikasab-an tungod sa pagkasugarol, ang usa ka ulitawo nga may kapuyo naghikog sa kahoy nga Ipil-ipil didto sa barangay Mantayupan, lungsod sa Barili sa miaging Biyernes sa buntag.
Ang nagpakamatay mao si Dennis Ricaplaza, 21 , ulitawo apan dunay kapuyo , nga taga Mantayupan. Si PO3 Henie Aspera sa Barili Police Station mibutyag sa Banat News nga nianang Huwebes sa gabii, si Ricaplaza gikasab-an sa iyang kapuyo nga si Ma. Elvira Pasiluna, 20, tungod sa pagka sugarol niini nga nakapasamot sa ilang kakabus.
Matud pa ni Pasiluna, 20, nga nanluod si Ricaplaza human niya kasab-i ug sa pagka-tungang gabii natulog kini nga nagbanig og sako sa ilang tugkaran busa iyang gipasagdan.
Apan sayo sa buntag niadtong Biyernes mao nalay nakita ni Perfecto Ricaplaza, amahan sa naghikog nga nagbitay na sa sanga sa Ipil-ipil ang iyang anak pinaagi sa pisi nga gilikos sa iyang liog ug gigaid sa sanga sa maong kahoy ang pikas tumoy niini ug wala nay kinabuhi. (BANATNEWS)
Linkback:
https://tubagbohol.mikeligalig.com/index.php?topic=49539.0
