MikeLigalig.com

Ni Rey B. Pasaporte/EIM (Banat) Updated June 17, 2011 12:00 AM Comments (0)   


CEBU, Philippines - Nasikop ang usa ka sakop sa usa ka charismatic group atol sa ilang prayer meeting niadtong Miyerkules sa gabii sulod sa Holy Family Church sa dakbayan sa Mandaue.

Si Richard Rosca, 40, nasikop sa mga sakop sa Criminal Investigation and Detection Group (CIDG-7) base sa warrant of arrest nga giisyu ni Regional Trial Court Judge Beinvenido Saniel sa branch 20.

Si Rosca giakusahang milugos sa usa ka 14-anyos nga babaye sa dihang nagpangidaron pa ang biktima og 12-anyos, duha na ka tuig ang nakalabay.

Ang pangulo sa CIDG-7 nga si Jose Pante mimando dayon kang Chief Inspector Rocky Neron, chief sa Criminal Investigation and Detective Team (CIDT) nga moumol og team human siya makadawat og taho nga si Rosca mitambong og prayer meeting sa simbahan diha sa barangay Maguikay. Ang korte walay gitugot nga piyansa batok sa akusado alang sa temporaryo niining kagawasan.

Sa pakighinabi sa mga tigbalita kang Rosca miangkon kini nga dunay nahitabo kanila sa biktima apan niinsister nga duna silay relasyon.

“Naa miy relasyon,” matud pang Rosca. Matud pa niya nga sukad nalutsan siya sa korte og warrant of arrest iya na kining gipangandaman daan nga atubangon nalang ang pasangil.

Giingong nahitabo ang pagpanglugos sa suspek diha sa dakbayan sa Talisay. Ubos sa balaod ang ‘sexual intercourse’ diin ang biktima menor de edad usa kini ka statutory rape.

Ang asawa ni Rosca nga mibisita kaniya sa detention cell sa buhatan sa CIDG-7 naguol og maayo sa nahitabo sa iyang bana.  - BANAT NEWS

Quote from: hubag bohol on June 17, 2011, 01:50:28 PM
Sa pakighinabi sa mga tigbalita kang Rosca miangkon kini nga dunay nahitabo kanila sa biktima apan niinsister nga duna silay relasyon.

Hayahayas butakal. Siya 38 unya ang bata 12, unya naa kunohay silay relasyon?  

Bisan pa ug pros-ti ang minor de edad, basta bata pa, automatic lugos ang kaso. Kadto si Jalosjos, dose-anyos pud to ang biktima. Muntinlupa segurado ang destinasyon labi na kay miangkon na ang tambaloslos nga kanahan.

Nah, diretso miangkon tingkagol ang  puntariya nimo...

Abi tingali sa kanahan og sakto ang iyang giandam nga pangatarongan. Kini laging patugatuga ba, daghan na…