Ni Stephanie Viovicente-Berganio
Thursday, February 26, 2015
GIPANGITA sa kapolisan ang usa ka lalaki human giingong gisunog ang panimalay niini niadtong Miyerkules sa gabii diha sa Puntod ning siyudad sa Cagayan de Oro.
Gisaysay sa kapuyo niining si Jen (bansagon gipugngan), 21, upat ka bulan nga mabdos, nga nasuko ang iyang kapuyo nga mao si Alimoden (apelyido gipugngan), 28, tungod kay gusto niining makigdulog niadtong gabhiona apan wala siya misugot tungod kay anaa iyang pag-umangkon nga makig-abay usab kaniya og katulog sa laing panimalay.
Una na kining gisapot tungod kay nagkalalis ang duha dihang buot ni Jen nga suguon si Alimoden nga mangayo og pagkaon sa puloy-anan sa iyang lola apan wala kini misugot.
Tungod niini, nagyawyaw siya niini ug hinungdan sa ilang panaglalis.
Gawas niini, gibutyag usab ni Jen nga kusog kaayo manukmag si Alimoden kung aduna kini masuk-an, hinungdan galikay usab siya niini.
Daw makapila na usab kini ka higayon nga iyang gisuwayan og bulag.
Linkback:
https://tubagbohol.mikeligalig.com/index.php?topic=79574.0
