By ABS-CBN Southcentral Mindanao
4 target sa Buy Bust Operation ng mga pulis, patay matapos umanong manlaban!
Polomolok, South Cotabato - Patay ang dalawang lalaking target sa buy bust operation ng pinagsanib na pwersa ng Polomolok Municipal Police Station at PDEA12.
Isinagawa ang buy bust alas syete dyes kagabi sa Prk. Makugihon Brgy. Upper Klinan.
Ayon sa report ng PNP, nabilhan umano ng isang libong pisong halaga ng shabu ang mga suspek na sina Jhomar Pepito at Ruben Acedo.
Pero nang makatunog umano ang mga ito na pulis ang katransaksyon nila, bumunot umano ito ng baril at nakipagpalitan ng putok dahilan para mabaril sila ng otoridad.
Naisugod pa sa ospital ang dalawang target pero idineklara silang dead on arrival.
Narekober pa umano sa kanila ang dalawang kalibre 38 na baril, mga bala, 50 gramo ng shabu, drug paraphernalia at cellphone.
Ginamit ng PNP ang cellphone ng dalawa para makipagtransaksyon sa ilan pang kakilala nito.
Kaya isang follow-up Buy bust operation ang isinagawa kaninang pasado ala una ng madaling araw sa Prk. Santo Nino, Brgy. Glamang.
Nakipagtransaksyon sa PNP sina Mamerto Arangco Jr. at Judy Dula.
Nabilhan umano sila ng isang libong pisong halaga ng droga.
Pero nang aarestuhin nanlaban at nagpaputok pa umano ng kalibre 38 na baril ang mga target.
Napuruhan sila ng mga pulis at agad dinala sa ospital pero dineklara ring dead on arrival.
Nakuha umano sa mga gamit ng suspek ang isang kalibre 38 na baril, mga bala, at 10 gramo ng shabu na nagkakahalaga ng 60,000 pesos.
Sa ngayon, inaalam pa ng mga otoridad kung sino ang Supplier ng mga napatay na target.
* Stay at Home and START YOUR OWN blog site, business or personal website, or e-commerce store at
www.wirenine.comLinkback:
https://tubagbohol.mikeligalig.com/index.php?topic=92474.0