TARGET SA BUY-BUST PATAY HUMAN MISUKOL LAING DUHA ARESTADO
DAVAO CITY - Patay ang target sa drug buy-bust human nga misukol atol sa operasyon sa mga sakop sa PDEA XI ug Talomo Police Station 3 ala 1:15 Lunes sa hapon, Septyembre 12 sa usa ka Boarding House sa Brgy 9-A.
Giila ni Police Major Noel Villahermosa, Station Commander sa Talomo Police Station ang suspek nga si Hideki Hernando alyas Diki nga transient sa maong lugar.
Samtang dakpan ang laing duha ka mga kauban sa suspek nga nailhang silas Hezekieh Lim 24-anyos ug Kit Brian June Alinsugay Valenzona alyas KB 23-anyos.
Sumala ni Police Major Villahermosa nga napalitan ang tulo ka mga suspek og mga pinaugang dahon sa Marijuana nga nagkantidad og P6,000.
Ang tulo giilang mga high value target.
Nakumpiska atol sa operasyon ang 11 ka mga bricks sa pinaugang dahon sa marijuana, 1,400grams ang gidaghanon, balor og P156,000.
Nakuha sab ang usa ka .38 Caliber Revolver, usa ka empty shell sa 5.56mm rifle ug usa ka empty shell sa .45 caliber pistol.
| via Cheche Diabordo
#kammmedianetwork
Talomo Police Station 3
news.mikeligalig.comLinkback:
https://tubagbohol.mikeligalig.com/index.php?topic=122942.0
