Monday, November 19, 2012
DIGOS CITY -- Gibalhog sa selda sa kapulisan ang usa ka 53-anyos nga lolo human nakahimo kini sa paglugos sa usa ka 40-anyos nga babaye.
Ang suspek mao si Tony Labrado, 53, minyo, mag-uuma, nagpuyo sa Barangay Goma, Digos City.
Si Labrado maoy gitudlong naglugos kang alyas Gina, 40, bulag sa bana ug molupyo sab sa maong dapit.
Gibutyag sa biktima nga samtang didto siya sa sapa, kalit lang miabot ang suspek kinsa migakos kaniya dayon gidumog ang biktima.
Dihang naluya na ang biktima, gihubo sa suspek ang iyang underwear dayon gipahimuslan, apan wa milampos ang suspek.
Naningkamot ang biktima nga makalingkawas gikan sa mga kamot sa suspek alas 5:00 sa hapon niadtong Biyernes.
Tulin kaayong midagan ang biktima palayo sa sapa ug dihang nakaabot na sa ilang balay, gisumbong dayon sa biktima ang nahitabo sa iyang pamilya.
Daling misumbong ang pamilya sa biktima ngadto sa kapulisan mao nga nasikop sab dayon ang suspek.
Gitug-an sa biktima nga napasulod sa suspek ang iyang kinatawo, apan wa mahuman sanglit nakakita og paagi ang biktima nga makaikyas. (Orlando Dinoy)
Linkback:
https://tubagbohol.mikeligalig.com/index.php?topic=58581.0
