Author Topic: Bus nalimbuwad: ulo sa bata nabuwag sa lawas (Read 698 times)

hubag bohol · « **on:** December 17, 2013, 04:29:08 PM »

2 patay, 31 ang angol human bus nalimbuwad
SuperBalita Cebu
Ni Guam P. LogroÃ±o ug Sheila C. Gravinez
Monday, December 16, 2013

ULO sa bata nabuwag sa lawas samtang ang iyang inahan namatay dihang nadisgrasya ang bus nga gimaneho sa iyang amahan kagahapon sa alas 7:18 sa buntag sa Sitio Bangkobangko, Barangay Balhaan, Badian, Sugbo.

Mokabat usab 31 ka mga pasahero ang nangaaÂngol atol sa hitabo.

Ang bata nga si Geralyn Gerson, 5, wa nay ulo dihang nakuha sa mga rescuer ilawom sa Ceres Bus (CEH-722) samtang wa na mahitsura ang iyang inahan nga si Marlyn, 41, taga Wireless, dakbayan sa Mandaue.

Si Erwin Gerson, 41, amahan ug maoy driver sa Ceres bus, niangkon nga nakainom siya niadtong Domingo sa gabii samtang positibo sab siya sa liquor test dihang gipaeksamin human sa disgrasya.

Si Insp. Henry Orbiso, hepe sa Badian Police nga nahinabi sa dySS Super Radyo ug Sun.Star Superbalita, nagkanayon nga ang Ceres bus gikan sa Samboan nga puno sa mga pasahero paingon sa dakbayan sa Sugbo.

Linkback: https://tubagbohol.mikeligalig.com/index.php?topic=77164.0

hubag bohol · « **Reply #1 on:** December 17, 2013, 04:29:58 PM »

Giingong kusog ang pagpadagan sa driver base sa mga saksi samtang nagdulhog sa kurbadang karsada ug wa makakontrolar niini ang sakyanan, nibangga sa kilometer post.

â€œHinay ra man daw iyang dagan kay 60 kilometros matag oras lang pero dulhugon man maayong pagkabulintang sa sakyanan. Nibagnos sa karsada pipila ka metros,â€ dugang ni Orboso.

Apan pipila ka mga saksi nga nahinabi sa GMA Balitang Bisdak, niinsister nga kusog ang dagan sa bus sa wa pa kini mabangga ug malimbuwad.

Ang asawa diha sa may front seat tupad ang iyang anak hinungdan nga ang nawong niini wa mahitsura dihang nagusbat ang dulong sa sakyanan.

Ang bata posibling na-igo sa bildo o kabilya sa sakyanan dihang napagnos sa karsada.

Ang ubang mga pasahero gidali sa pagdala sa Malabuyoc Hospital, Badian, Alegria, samtang ang ubang nga grabi gidala sa tambalanan sa dakbayan sa Sugbo.

Ang amahan gitanggong sa Badian Police Station samtang gihikay nila ang tukmang kasong ipasaka batok niini.

Linkback: https://tubagbohol.mikeligalig.com/index.php?topic=77164.0

hubag bohol · « **Reply #2 on:** December 17, 2013, 04:30:19 PM »

Ang ilang nakuhang impormasyon nga gikatahong nagkaaway ang driver ug ang iyang asawa sa wa pa ang aksidente samtang nagdagan ang bus paingon sa dakbayan sa Sugbu.

Si Orbiso nipasabot nga iya lang nadunggan ang impormasyon.

Samtang ang nangaangol naglangkob nila ni Ida Aida Javiorto, 47, taga Alegria; Cefriana Cuevas, 46; Renan Letejio, 27; Jimmy Norte, 42; Aleber Asma, 27; Lourdes Bendulo, 63; bana nga si Marcio Bendulo, 71; Edwin Batomalaque; Roseller Zamora, 27; Eutequia Dantes, 80; Mariano Indab, 41; Melita Abella, 37; Jorgin Devila, 19; Maricris Gomes, 17; Marilou Malaylan; Millicent Nielrose Gomes; Gland Clifford Durango; Precila Sanchez, 21; Isidro Manaba; Alden Ebale, 43; Gedion Noveza, 28; Virginia Pilingon, 43; Sheila Yong, 29; Renante YbaÃ±ez, 30; Winston Adam Palamini, `19; Bernadita Enario 20; Sheila Patriarca, 23; Gregorio Pogoy, 47; Ereneo Salawgon, 54; Cherybell Cuevas, 21; ug Rory Jay Betasolo, 20.

Samtang gidid-an una nga makabiyahe ang laing siyam ka mga bus unit sa Vallacar Transit, Inc. sud sa 30 ka adlaw nga susama og prangkisa sa naaksidente nga bus sa lungsod sa Badian kagahapon sa buntag.

Linkback: https://tubagbohol.mikeligalig.com/index.php?topic=77164.0

MikeLigalig.com

Author Topic: Bus nalimbuwad: ulo sa bata nabuwag sa lawas (Read 698 times)

hubag bohol

Bus nalimbuwad: ulo sa bata nabuwag sa lawas

hubag bohol

Re: Bus nalimbuwad: ulo sa bata nabuwag sa lawas

hubag bohol

Re: Bus nalimbuwad: ulo sa bata nabuwag sa lawas