SuperBalita Cebu
Ni Philip A. Cerojano
Monday, August 19, 2013
GAWAS sa paggamit og chemical dispersant aron pagkontrolar sa oil spill gumikan sa pagkalunod sa M/V Saint Aquinas, gisugyot ni Bise Mayor Egardo Labella ang paggamit og indigenous materials kun mga galamiton nga makit-an lang sa palibot.
Kini sama sa mga buhok sa tawo, balhibo sa manok, bunot sa lubo, sagbot nga kugon ug buhokbuhok sa mais.
Si Labella niingon nga kini nga local nga mga material malampusong gigamit sa Guimaras Island niadtong Agusto 2006 aron pagkontrolar sa oil spill resulta sa pagkalunod sa M/T Solar I.
Human sa pagkalunod sa barko, niagas ang bunker fuel nga nakadaot sa kadagatan lakip na sa mga baybayon sa Ilo-Ilo ug Negros Occidental.
Linkback:
https://tubagbohol.mikeligalig.com/index.php?topic=74720.0
