Suma sa taho sa pulis nga nag-inom ang suspek kauban ang mga higala dihang milabay ang iro. Tungod kay wa nay pulutan, gipusposan og kahoy dayon giihaw.
Dihang nangita na ang tag-iya sa iro aron iyang pakaunon, giduol siya sa silingan ug gisultihan sa gidangatan sa iro.
Dali siya nga misumbong sa mga opisyal sa barangay, ug ang barangay opisyales na ang mitawag og mobile patrol aron ipadakop ang suspek.
Nasayran nga labrador ang kaliwat sa maong iro nga sukad pa niadtong 2001 nga gialimahan sa tag-iya.
Si Vicente nagkanayon nga nahimo niya ang pagpatay gumikan wala silay pulutan niadtong higayona.
"Samok kaayo ang iro kay sige'g agi-agi sa among tungod, ug kay wa pa mi pulutan, magsinamok pa gyud, mao nga akong gipatay aron himuong pulutan," sulti ni Vicente sa pakighinabi sa SuperBalita niadtong Byernes.
Ang tag-iya sa iro mipasaka na og kaso Byernes didto sa korte batok sa suspetsado.
Linkback:
https://tubagbohol.mikeligalig.com/index.php?topic=75513.0
