GIKATAHONG nakulatahan ug nakawatan pa sa iyang armas sa usa ka pundok sa mga lalake ang usa ka pulis nga nauli gikan sa usa ka party.
Apan susihon pa sa kapulisan kon unsa ka tinuod ang alegasyon ni PO1 Saldy Salvo, 25, taga Loboc, Bohol, nadestino isip tourist police.
Nahitabo kini pasado ala una kagahapon sa kaadlawon sa lawak nga giabangan sa polis sa sityo Amor, Barangay Sambag Uno, dakbayan sa Sugbo.
Nakuha gikan sa biktima ang iyang personal nga service firearm nga kalibre .45 uban sa mga bala.
Matod ni SPO1 Agustin Collano sa Fuente Police nga gikan mitambong sa usa ka party ang biktima, human usab sila makadaug sa contest sa sayaw atol sa gipasiugdahan nga party.
Niuli kini nga luwan sa iyang motorsiklo, apan iyang nalabyan ang pundok sa mga batan-on nga gituohang sakop sa gang.
Sigun sa iyang aligasyon nga wa pa gani siya makasulod sa iyang giabangan nga lawak, giduol siya ug gitabangan pagkulata sa mga batan-on.
Usa kanila ang nikuha og gahi nga butang ug dayong hapos sa iyang ulo. - pna
Linkback:
https://tubagbohol.mikeligalig.com/index.php?topic=35486.0
