Ni Jonathan F. Tumulak
Sun Star
MAGUWANG niunay sa pagdunggab-patay sa iyang manghod human kini nilaban sa iyang asawa nga nasumbagan.
Ang pagpanunggab nahitabo pasado alas 3:00 sa milabayng hapon sa Quijano compound Barangay Calamba, siyudad sa Sugbo.
Ang patay na nga nadangat sa Cebu City Medical Center (CCMC) mao si Edgar Pelaez, 38, ug negusyante og scrap diha sa maong lugar.
Gitumbok nga nagdunggab kaniya mao si Carlos Pelaez, 43, ug susama niya ug kapanginabuhian.
Sa taho nga nasayran gikan kang PO3 Geofrey Gutual sa Homicide Section nagbutyag nga unang gidapatan sa biktima ang usa nila ka silingan nga menor de edad tungod sa kasuko sa biktima nga maoy naggalgal sa iyang anak ug anak sa suspek nga mangawat ug butang ug gipatimbang.
Niabot ang asawa sa suspek nga si “Salome†ug nibadlong sa biktima sa dili pagdapat sa menor de edad, apan mao na hinoon ang nasumbagan nug mipalaban sa iyang bana.
Naabot ang suspek, hangtud nga nagkalalis ang managsuon nga niresulta ngadto sa sinumbagay, wa magdugay nilakaw ang biktima nibalik nga may dala nga bato og gibato ang iyang maguwang ang suspetsado.
Wa na kaagwanta ang suspek, nikuha usab kini og kutsilyo ug gidunggab ang biktima sa iyang kilid ug buko-buko.
Linkback:
https://tubagbohol.mikeligalig.com/index.php?topic=35168.0
