Ni Jonathan F. Tumulak
Monday, June 6, 2011
NAMATAY ang usa ka mekaniko sa motorsiklo human gipusil samtang nagduwa og basketball niadtong Dominggo sa mga alas 5 sa hapon.
Nakadagan ug nakatago pa unta ang biktima sa balay sa iyang silingan, sa Sityo Tagunol, Brgy. Basak, dakbayan sa Sugbo, apan gisundan siya ug gitiwasan pagpusil sa makadaghan.
Ang biktima giila sa kapulisan nga si Cristopher Canoy, 31, minyo.
Siya nakaangkon og daghang mga samad pinusilan agi sa kalibre .45 nga pistola.
Duha ka mga kabhang napalgan sa basketball court ug laing lima ka mga kabhang ang napalgan sulod sa balay sa iyang silingan.
Matod ni PO3 Ruth Violango ug mga kauban sa Homicide Section nagbutyag nga nagduwa ang biktima sa dihang giduol ug gipusil makaduha sa suspek nga nailhan sa ngalan nga “Manolito Labor†ug laing ginganlan og “Utolâ€.
Human maigo ang biktima, nakadagan pa siya sa balay sa iyang silingan nga si Nichomedes Alcaba ug nitago.
Apan nasundan siya sa suspek nga nipugos sa pagsulod sa balay ug gipusil ang biktima makalima ka mga higayon.
Ang suspeko daling misibat samtang ang biktima gidala sa mga silingan sa tambalanan ug gidiritso pagdala sa operating room.
Ang Cebu City Medical Center (CCMC) nideklarar nga patay sa biktima alas 2:35 kagahapon sa kadlawon.
Dugang nasayran sa kapulisan nga posibling naala-an lang ang biktima kay wa kiniy kontra diha sa dapit.
Ang suspek nailhan sa lugar nga maldito ug nalambigit sa daghang mga kaso. --
Gipatik sa mantalaang SuperBalita Cebu Hunyo 07, 2011. Linkback:
https://tubagbohol.mikeligalig.com/index.php?topic=41423.0
Topic: Bisan samdan nakadagan, apan gigukod, gitiwasan (Read 620 times)