Ni Romeo T. Limpangog, RUB (Banat) | Updated May 31, 2015 - 12:00am
CEBU, Philippines - Nabuslot ang sampot sa usa ka tawo nga biktima sa pagpamusil didto sa Beatriz Village, Barangay Poblacion, Danao kaniadto’ng Biyernes sa gabii.
Si SPO3 Ildefonzo Prosia sa Danao Police Station miila sa biktima nga si Hubert Batiquin Jr., 34, taga Barangay Tuburan Sur, dakbayan sa Danao.
Matud ni SPO3 Prosia nga nagsakay ang biktima sa iyang motorsiklo ug nagdagan kini diha’ng kalit lang siya nga gipusil.
Ang wala hiilhi’ng tawo dali usab nga nakasibat pahilayo ug ang biktima gidala sa Danao Provincial Hospital.
Dugang pa ni SPO3 Prosia nga human sa pasiuna’ng pagtambal sa mga doktor sa biktima, gibalhin kini sa Vicente Sotto Memorial Medical Center sa dakbayan sa Sugbo.
Si SPO3 Prosia nagtuo nga paregla lang ang maong pagpamusil kay wala may gikaaway ang biktima sa maong dapit.
Hinuon ang kapolisan mohimo pa og dugang imbestigasyon sa maong hitabo pamasin nga mailhan nila ang mipusil ni Batiquin. (BANAT NEWS)
Linkback:
https://tubagbohol.mikeligalig.com/index.php?topic=80135.0
