MikeLigalig.com

SuperBalita Cebu
Ni Dennes R. Tabar
Sunday, March 16, 2014


“TOO much love will kill you.”

Ulohan kini sa kanta nga nitukma sa laing kaso sa gugma nga nikutlo sa kinabuhi sa usa ka batan-on sa Sityo Looc, Barangay Maribago, dakbayan sa Lapu-Lapu niadong Sabado, alas 11:00 sa gabii.

Usa ka ‘Marlon’ (kina­tibuk-ang ngalan pada­yong gipa­kisayran sa ka­­pulisan atol ning pagsuwat), taga lungsod sa Jubay, Bohol, giingong naigo sa dughan sa iyang gidala nga pusil samtang nakig-inom uban sa mga higala.

Si PO3 John Carlo Jucotan sa Homicide Section sa Lapu-Lapu City Police Office (LLCPO), niingon nga giingong nag-away sa iyang uyab ug nakig-uban sa iyang mga kauban sa gipuy-ang lawak gikan sa ilang pagtambong og disko sa dapit.

Ang batan-ong hubog na nagduwaduwa sa pag­kablit sa pusil tumong sa iyang dughan apan nibuto kini hinungdan sa kamatayon sa biktima.

Ang mga kauban og inom igo lang nakaila sa ngalan sa biktima nga si ‘Marlon’ ug walay nakuha ang kapulisan nga identification card sa lawas niini.

Kauban gikan nagdisko ug nakainom sa biktima mao sila si Jermit Sumabong ug Louie Ingking nagkanayon nga ang namatay nagduwa sa iyang armas nga .22 revolver.

Sumala sa duha, giingong kuhaan og bala ang armas ug kabliton ang gato tumong sa iyang lawas apan dihay higayon nga nakalimot kini nga iyang gi-load ang bala ug gikablit hinungdan nga nibuto tumong sa dughan.

Nagkanayon si Jucotan nga ang namatay adunay hinigugma nga taga Masbate ug giingong nag-away kini ug posibling naguol si Marlon.

Hinuon, si Jucotan niingon nga bisan sa pamahayag sa duha ka mga saksi nga naunay sa armas ang namatay, plano gihapon sa Homicide nga ila kining ipa-paraffin test ang duha aron pagwagtang sa pagduda nga adunay foul play.

Ang lawas sa biktima naa sa lokal nga punerarya ug ang armas nga gigamit anaa na karon sa Homicide uban sa unom ka mga buhing bala ug usa ka kabhang.

Hala, duwaduwa pag pusil...

Unsay mag kaso nga ipasaka ani? suicide o paricide

kung mahubog, dili unta ipagawas ang hambog...

Ang mahilig og pusil mao ang gagmayg tin-ots...