Ni Guam P. Logroño
ESTUDYANTE sa kursong education nabalhog sa bilango-an human gidudahang mipatay sa iyang bag-ong gihimugsong anak nga gisulod sa plastic bag ingon man sa karton una pa gisulod sa eneduro sa ilang pansayan atol sa iyang pagtubag sa sugo sa lawas niadtong Dominggo sa buntag sa Sitio Villaflores Barangay, Talangnan, lungsod sa Madridejos, Sugbo.
Apan si Miriam Concha Cahotay, 26, dalaga, first year college, kinsa kasamtangan nagpaalim sa Bantayan District Hospital nga ubos sa pagbantay sa kapulisan, nanghimakak nga iyang gipatay ang puya.
Mga alas 3:45 kagahapon sa hapon gipagawas na sa tambalanan ang inahan ug gitanggong na sa Madridejos Police Station samtang giandam ang kasong infanticide batok kaniya nga ipasaka karong adlawa.
Ang masuso siyam na ka buwan basi sa report sa duha ka midwife nga si Maria Victoria Bautro Ungon ug Leah Illustrisimo Escala, mga kawani sa Birthing Home of Rural Health Unit sa Madridejos.
Si PO1 Jeffrey Barco desk officer sa Madridejos Police Station nga nahinabi sa Sun.Star Superbalita nagkanayon nga niadtong Dominggo sa buntag ang inahan nisulod sa ilang pansayan ug nangayo pag kutsilyo sa iyang igsuong lalake. - Sun Star Cebu
Linkback:
https://tubagbohol.mikeligalig.com/index.php?topic=35487.0
